‘खतरों के खिलाडी’ची टीम केपटाउनमध्ये पोहोचली आहे. ही सगळी मंडळी केपटाउनमध्ये मजा करताना दिसून येतेय. याचे अनेक फोटोज आणि व्हिडीओजही त्यांनी शेअर केले आहेत. यातील अर्जुन बिजलानीने नुकताच एक व्हिडीओ शेअर केलाय. या व्हिडीओमध्ये अर्जुन हा श्वेता तिवारीला तिच्या फिटनेसच्या मागचं गुपित विचारताना दिसून येतोय.

श्वेत तिवारीने फ्लॉंट केले एब्ज
या व्हिडीओमध्ये श्वेता तिवारी चालताना दिसून येतेय. त्यावेळी अर्जुन तिला विचारतोय, तु कोणता च्यवनप्राश खातेस ? यावर उत्तर देताना श्वेता तिवारी म्हणते, ‘हार्ड वर्क’!. त्यानंतर अर्जुन श्वेता तिवारीला तिचे एब्ज दाखव असं सांगतो. यावेळी अर्जुन म्हणतो, “श्वेता एब्ज सुद्धा फ्लॉंट करतेय”. श्वेता आणि अर्जुनचा हा व्हिडीओ सध्या सोशल मीडियावर प्रचंड व्हायरल होतोय.

गेल्या काही दिवसांपासून श्वेता तिवारीची ट्रांसफॉर्मेशन जर्नी बरीच चर्चेत आहे. श्वेताने तिचं वजनही बरंच कमी केलंय. तिने तिच्या डाएटवर लक्ष दिलंय आणि सोबतच वर्कआऊटही करतेय. सोशल मीडियावरही तिने अनेकदा तिच्या वेट लॉस जर्नी बाबत गोष्टी शेअर केल्या आहेत. एका पोस्टमध्ये तिने लिहिलं की, “वजन कमी करणं हे काही सोप्पं काम नाही, खूप अवघड असतं हे. यासाठी तुम्हाला प्रचंड निष्ठेची गरज असते. सेल्फ कंट्रोलही यात महत्त्वाचा असतो.”

सध्या श्वेता तिवारी तिच्या पर्सनल लाइफमुळे देखील चर्चेत आली आहे. श्वेता आणि तिचा पती अभिनव कोहली या दोघांच्या नात्यांमधले संबंध बिघडले आहेत. दोघांनी एकमेकांबद्दल असलेला द्वेष सोशल मीडियावर व्यक्त करत आहेत. इतकंच नाही तर एकमेकांवर आरोप-प्रत्यारोप ही करत आहेत. श्वेताने नुकताच एक व्हिडीओ शेअर केला होता. या व्हिडीओमध्ये पती अभिनव हा तिच्याकडून मुलगा रेयांशला हिसकावून घेऊन जाताना दिसून आला.