गेल्या अनेक दिवसांपासून अभिनेत्री क्रांती रेडकर पती समीर वानखेडे यांच्यामुळे चर्चेत आहे. सतत समीर वानखेडे आणि राष्ट्रवादी काँग्रेसचे प्रवक्ते तसेच महाराष्ट्राचे अल्पसंख्यांक मंत्री नवाब मलिक यांच्यामधील आरोप प्रत्यारोप सुरु आहे. क्रांती सोशल मीडियावर सक्रिय असल्याचे दिसते. सोशल मीडियावर फोटो आणि व्हिडीओ शेअर करत ती चाहत्यांच्या संपर्कात राहते. क्रांतीने नुकतीच एक पोस्ट सोशल मीडियावर शेअर केली आहे. त्या पोस्टमुळे क्रांतीला ट्रोल करण्यात आले आहे.
क्रांतीने तिच्या ट्विटर अकाऊंटवरून हे ट्वीट शेअर केले आहे, या ट्वीटमध्ये क्रांतीने एक बातमी शेअर केली आहे. या बातमीत मुंबईतील छत्रपती शिवाजी महाराज इंटरनॅशनल टर्मिनल इथे एनसीबीने ४ कोटी रुपयांची किंमत असलेला हेरॉइन जप्त केलं. हे बातमी शेअर करत “शब्बास शेरा” असे कॅप्शन क्रांतीने दिले आहे. क्रांती शब्बास शेरा हे समीर वानखेडेंना बोलली आहे.
क्रांतीचे हे ट्वीट सोशल मीडियावर व्हायरल झाल्यानंतर नेटकऱ्यांनी तिला ट्रोल करायला सुरुवात केली आहे. एक नेटकरी म्हणाला, “काय शब्बास शेरा? हा त्याच्या नोकरीचा भाग आहे, खुर्च्या उबवायला सरकार पगार देत नाही समजलं का?बर तो विषय सोडा आज समीर भाऊंना डब्याला दाल फ्राय/जीरा राईस दिला का? सहज आपलं विचारल रोज रोज १९६ रुपयांची दाल मखनी खाऊन कंटाळले असतील. १९६ रुपयाची दालमखनी ताज की ऑबेरॉय मधुन मागवली होती?” अशा अनेक कमेंट करत नेटकऱ्यांनी क्रांतीला ट्रोल केलं आहे.
लोकसत्ता आता टेलीग्रामवर आहे. आमचं चॅनेल 
