कर्करोगाला यशस्वी लढा देणा-या अभिनेत्री मनिषा कोईरालाला मुलगी दत्तक घेण्याची इच्छा आहे. मात्र, या आजाराच्या पुनरावृत्तीच्या भयावर मात केल्यावरचं आपण मुल दत्तक घेऊ असे तिचे म्हणणे आहे.
बॉम्बे, १९४२-अ लव्ह स्टोरी, दिल से यांसारख्या चित्रपटातील अभिनयाकरिता ओळखल्या जाणा-या ४४ वर्षीय मनिषा कोइरालाला २०१२साली गर्भशयाचा कर्करोगाने ग्रासले होते. मनिषाने नुकतेच ट्विटरवर पोस्ट केले होते की, एक दिवस मी हा आजार मला पुन्हा बळावणार नाही या भीतीवर मात करेन आणि मुल दत्तक घेईन. तोपर्यंत, स्वतःचे कुटुंब असणे हे माझे मोठे स्वप्न आहे. मनिषाने १९९१ साली प्रदर्शित झालेल्या सौदागर चित्रपटाने बॉलीवूडमध्ये पदार्पण केले होते. तिने मनी रत्नम, राम गोपाल वर्मा, विधू विनोद चोप्रा आणि राज कुमार संतोषी या मोठ्या दिग्दर्शकांसोबत काम केले आहे.