“आमचे लग्न ठरणारच होते पण…”, ललित प्रभाकरच्या ‘त्या’ व्हिडीओची सर्वत्र चर्चा

ललित प्रभाकरचे एक रिल सोशल मीडियावर चांगलेच व्हायरल होत आहे. यात तो एका मुलीसोबत लग्नाबद्दल बोलत असल्याचे दिसत आहे. या व्हिडीओत तो म्हणतो की, आमचे लग्न ठरणारचं होते पण तेव्हा तिने आतून आवाज दिला आणि म्हणाली चहाला किती शिट्ट्या करू आई? त्याचे हे रिल सर्वत्र व्हायरल होत आहे. ललितचे हे कॉमेडी रिल सर्वत्र व्हायरल होताना दिसत आहे. त्याच्या या रिलनंतर अनेक मुलींनी हसत हसत डोक्याला हात लावला आहे.

ललित प्रभाकरने शेअर केला शर्टलेस फोटो, म्हणाला “प्रश्न पोटा पाण्याचा…”

ललित हा मीडियम स्पायसी या चित्रपटात झळकताना पाहायला मिळत आहे. या चित्रपटाच्या प्रमोशनसाठी नुकतंच त्याने एका रेडिओ चॅनलला भेट दिली. त्यावेळी एका आर जे सोबत त्याने हा व्हिडीओ केला आहे. त्याचा हा व्हिडीओ तुफान व्हायरल होताना दिसत आहे. विशेष म्हणजे त्यावर अनेक मुलींनी कमेंट्सही केल्या आहेत.

दरम्यान ललित हा ‘जुळून येती रेशीमगाठी’ या मालिकमुळे प्रसिद्धीझोतात आला. त्याने यात प्रमुख भूमिका साकारली होती. त्यानंतर त्याने बऱ्याच चित्रपट काम केले. त्याच्या ‘आनंदी गोपाळ’या चित्रपटाला राष्ट्रीय पुरस्कार मिळाला होता. काही दिवसांपूर्वी तो झोंबिवली या चित्रपटात झळकला होता. त्यानंतर आता लवकरच तो ‘मीडियम स्पायसी’ या चित्रपटात झळकताना दिसत आहे.