“…तरीही सहन करा”, चाहत्यांनी पाठवलेली पत्र पाहून संकर्षण कऱ्हाडेची पोस्ट, म्हणाला “या सगळ्यांना…”

संकर्षण कऱ्हाडे हा सोशल मीडियावर कायमच सक्रीय असतो. नुकतंच संकर्षणने इन्स्टाग्रामवर एक फोटो शेअर केला आहे. या फोटोत काही पत्र पाहायला मिळत आहेत. संकर्षणला ही सर्व पत्र त्याच्या चाहत्यांनी पाठवली आहेत. तसेच याला सुंदर कॅप्शन देत त्याने एक खास पोस्टही शेअर केली आहे.
आणखी वाचा : “चिपळूण ते मुंबई, करिअरची सुरुवात अन्…” ‘सहकुटुंब सहपरिवार’मधील अभिनेत्रीने सांगितला अनुभव, म्हणाली “अक्षरशः अंगात…”

संकर्षण कऱ्हाडेची पोस्ट

“प्रेक्षकांचा प्रत्येक शब्दं मोलाचा ….” गेल्या काही महिन्यांत प्रेक्षकांनी प्रयोगाला येउन मला अशी इनेक पत्रं दिली.. काही पत्रांमध्ये प्रचंड प्रेम होतं , कौतुक होतं , काहींमध्ये सुचना, भेटवस्तू , आणि काहींमध्ये काळजी .. प्रेक्षकांचा हा प्रत्येक शब्दं माझ्यासाठी मोलाचा आहे म्हणुन मी ही सगळी पत्रं आज लॅमिनेट करुन आणलीयेत आणि त्याची फाईल तयार केली आणि आता ह्या सगळ्या पत्रांना मी माझ्या स्वतःच्या अक्षरांत पत्रं लिहूनच उत्तर देणार.. (माझं अक्षर नाहीच कळणार तरीही.. करा आता सहन)

पण , मोलाची गोष्टं ही कि सेल्फीच्या जमान्यात हा पत्रं प्रपंच माझ्यात आणि प्रेक्षकांमध्ये होणार भेटूच ….., असे संकर्षणने या पोस्टमध्ये म्हटले आहे.

आणखी वाचा : “माझ्या पार्थिवावर अंत्यसंस्कार…”, नितीन देसाईंची शेवटची इच्छा काय होती? ND स्टुडिओतील कर्मचाऱ्याचा खुलासा

दरम्यान संकर्षण कऱ्हाडे हा सध्या विविध नाटकांमध्ये झळकत आहे. ‘नियम व अटी लागू’, ‘तू म्हणशील तसं’ आणि ‘संकर्षण Via स्पृहा’ या तीन नाटकात दिसत आहे. त्याच्या या तिनही नाटकांच्या प्रयोगांना प्रेक्षक भरभरून प्रतिसाद देताना दिसत आहेत.