“आधी बाबा गेले, आता आई गेली”, सीमा देव यांना अखेरचा निरोप दिल्यावर लेक अजिंक्य भावुक; म्हणाले, “त्या दोघांनी नेहमी…”

“आई गेली,” सीमा देव यांच्या निधनावर त्यांच्या मुलाची प्रतिक्रिया; अजिंक्य म्हणाले, “तिला काही आठवत नव्हतं पण…”

“बाबा होते, बाबा गेले आता आई गेली. महाराष्ट्राने आमच्या संपूर्ण कुटुंबाला खूप प्रेम दिलं. तुम्हाला सर्वांचा असाच आशीर्वाद आम्हा सर्वांवर असावा, असेच प्रेम आम्हालाही द्या. त्या दोघांनी नेहमी तुमचं मनोरंजन केलं, आम्हीही तेच करतोय आणि प्रयत्न करू की तुमचं तेवढंच मनोरंजन करत राहू. तुमचं प्रेम त्यांच्या प्रमाणेच आम्हालाही लाभो,” असं अजिंक्य देव म्हणाले.

Seema Deo Passes Away: ज्येष्ठ अभिनेत्री सीमा देव यांचं निधन, सोज्ज्वळ अभिनेत्री काळाच्या पडद्याआड

मराठी आणि हिंदी सिनेमांमध्ये आपल्या अप्रतिम सौंदर्याने प्रेक्षकांची मनं जिंकणाऱ्या अभिनेत्री सीमा देव यांचं गुरुवारी निधन झालं. सकाळी ७ वाजता त्यांचं राहत्या घरी निधन झालं. आईच्या निधनाची माहिती देताना आईच्या जाण्याने कधीही न भरून निघणारी पोकळी निर्माण झाल्याचं अभिनय यांनी म्हटलं होतं.

रमेश देव-सीमा देव आणि त्यांची अजरामर प्रेमकहाणी!

सीमा देव यांचं मूळ नाव नलिनी सराफ असं होतं. ‘आलिया भोगासी’ या सिनेमातून त्यांनी १९५७ मध्ये सिनेसृष्टीत पदार्पण केलं होतं. त्यानंतर त्यांनी अनेक हिंदी आणि मराठी सिनेमांमध्ये काम केलं. ‘जगाच्या पाठीवर’, ‘मोलकरीण’, ‘यंदा कर्तव्य आहे’, ‘या सुखांनो या’, ‘सुवासिनी’, ‘हा माझा मार्ग एकला’ हे चित्रपट विशेष गाजले. ‘आनंद’ या अत्यंत गाजलेल्या हिंदी चित्रपटातील त्यांची भूमिका आजही प्रेक्षकांच्या स्मरणात आहे.