मराठी कलाविश्वात मानाच्या समजल्या जाणाऱ्या ‘झी चित्र गौरव पुरस्कार’ सोहळ्याला यंदा राज्याचे उपमुख्यमंत्री अजित पवार यांनी खास उपस्थिती लावली होती. यावेळी दिग्दर्शक-गायक अवधूत गुप्ते यांनी ‘खुपते तिथे गुप्ते’ स्टाईलने उपमुख्यमंत्र्यांची खास मुलाखत घेतली. भर कार्यक्रमात अवधूत गुप्तेंनी अजित पवारांना ‘खुपते तिथे गुप्ते’ कार्यक्रमात सुप्रिया सुळे भावुक झालेल्याचा जुना व्हिडीओ दाखवला.

काही दिवसांपूर्वी ‘झी मराठी’वर प्रदर्शित होणाऱ्या अवधूत यांच्या ‘खुपते तिथे गुप्ते’ कार्यक्रमात सुप्रिया सुळे सहभागी झाल्या होत्या. यावेळी त्यांना अजित पवारांबरोबरचे काही कौटुंबिक फोटो एका व्हिडीओच्या माध्यमातून दाखवण्यात आले. या व्हिडीओला मेकर्सनी ‘एक हजारों में मेरी बहना है’ हे गाणं जोडलं होतं. हे जुने फोटो पाहून त्या शोमध्ये भावुक झाल्या होत्या. सुप्रिया सुळे भावनिक झाल्याचा हाच व्हिडीओ अवधूत गुप्तेंनी ‘झी चित्र गौरव’च्या पुरस्कार सोहळ्यात उपमुख्यमंत्र्यांना दाखवला. यावर अजित पवार यांनी आपली प्रतिक्रिया दिली आहे.

Shyam Rangeela narendra modi
मोदींची नक्कल करणाऱ्या श्याम रंगीलाचा वाराणसीतून उमेदवारी अर्ज फेटाळला; कारण काय?
Haryana Chief Minister recent event viral video
शेतकऱ्यांनी मुख्यमंत्र्यांच्या कार्यक्रमात घुसून केली तोडफोड? व्हायरल Video ची खरी बाजू पाहा इथे…
AJit Pawar vs Supriya Sule
“मी त्यांचा मुलगा नसल्याने संधी मिळाली नाही”, अजित पवारांच्या वक्तव्यावर सुप्रिया सुळे म्हणाल्या, “माझी कारकीर्द…”
congress leader prithviraj chavan attacked modi government in public meeting in sangvi
नरेंद्र मोदींच्या विरोधात प्रचंड मोठी लाट – पृथ्वीराज चव्हाण; सांगवीतील जाहीर सभेत महाविकास आघाडीच्या नेत्यांचा मोदी सरकारवर प्रहार
MLA Dattatray Bharne first reaction On Viral video
कार्यकर्त्याला शिवीगाळ केल्याच्या व्हिडीओवर दत्तात्रय भरणेंचं स्पष्टीकरण; म्हणाले, “तो कार्यकर्ता नव्हता तर…”
nagpur matin bhosale marathi news, nagpur fasepardhi marathi news
फासेपारधींच्या मुलांना शिक्षणाच्या प्रवाहात आणणाऱ्या मतिन भोसलेंचा सन्मान, राष्ट्रसंत शिक्षण सेवा पुरस्काराने गौरव
Shrikant Shinde, Dombivli,
डोंबिवलीत शक्तिप्रदर्शन करत श्रीकांत शिंदे यांचा उमेदवारी अर्ज दाखल
jitendra awhad eknath shinde Insult news
“ठाण्यात मुख्यमंत्र्यांचा अपमान, माझ्यासारख्या विरोधकालाही वाईट वाटलं”, जितेंद्र आव्हाडांचा महायुतीला टोला!

हेी वाचा : ‘झी मराठी चित्र गौरव’मध्ये ‘या’ चित्रपटाने मारली बाजी, तर सर्वोत्कृष्ट अभिनेता-अभिनेत्री ठरले…; पाहा विजेत्यांची संपूर्ण यादी

उपमुख्यमंत्री म्हणाले, “आज माझी राजकीय भूमिका वेगळी आहे. पण, प्रत्येकाची राजकीय भूमिका आणि घरगुती नातेसंबंध वेगळे असतात. तुम्ही पहिल्यापासून आमच्या घरामध्ये पाहिलंत, तर आमचं संपूर्ण घराणं हे शेतकरी कामगार पक्षाचं होतं. त्यावेळी आमचे स्वर्गीय वसंतदादा पवार त्या पक्षाचे लीडर होते आणि त्यांना तिकीट सुद्धा मिळालं होतं. संपूर्ण घर शेतकरी कामगार पक्षाचं काम करत असताना पवार साहेब फक्त काँग्रेसचं काम करत होते. कारण, त्यांना ती विचारधारा पटलेली होती. त्यामुळे आमच्या घरात प्रत्येकाला व्यक्तिस्वातंत्र्य व राजकीय स्वातंत्र्य आहे.”

हेही वाचा : Video : “काय पाव्हणं आला का…”, ‘झी मराठी’ पुरस्कार सोहळ्यात सारा अली खानची मराठीत शायरी! व्हिडीओ व्हायरल

“मी इतके वर्ष वडिलधाऱ्यांचा आदर करत आलोय आणि इथून पुढेही करणार आणि तिच महाराष्ट्राची संस्कृती आहे. आम्ही काही वेगळं केलंय अशातला भाग अजिबात नाही. अनेकजण आम्हाला म्हणतात तुम्ही भाजपाबरोबर कसे काय जाऊ शकता? त्यांना एवढंच सांगेन आम्ही कधीकाळी शिवसेनेबरोबर देखील गेलो होतो. पाठीमागच्या आठवणी या वेगवेगळ्या आणि त्या-त्या काळातल्या आहेत. परंतु, आताचा काळ पूर्णपणे बदलला आहे. आता खूप पाणी वाहून गेलंय आणि बरेच जण अलीकडच्या काळात निर्ढावलेले आहेत.” असं मत अजित पवार यांनी सुप्रिया सुळेंचा भावुक व्हिडीओ पाहून मांडलं.