अशोक सराफ : रसिकांच्या मनावर अधिराज्य करणाऱ्या ‘विनोदाच्या सम्राटा’ला मुख्यमंत्र्यांच्या हस्ते महाराष्ट्र भूषण

फक्त मराठी चित्रपटांमध्येच नव्हे तर बॉलीवूडमध्येही आपल्या अभिनयाची छाप पाडत अशोक सराफ यांनी सर्वांनाच आपल्या कामाची दखल घ्यायला लावली. मराठी चित्रपटांची धुरा एकेकाळी ज्या निवडक कलाकारांच्या खांद्यावर होती त्यातलं अशोक सराफ हे खमकं नाव. रंगभूमी, मालिका किंवा चित्रपट असो प्रत्येक ठिकाणी त्यांच्या अभिनयाचं नाणं खणखणीत वाजलं.

आणखी वाचा

बाजारातली माणसं- बाजाराला तालावर नाचवणारा समभाग : टाटा डिफर्ड

Madhurima Raje : सतेज पाटील ज्यांच्यामुळे ढसाढसा रडले…

रतन टाटा : सामाजिक जाणीव राखणारा यशस्वी उद्योगपती

लक्ष्मीपूजनाच्या दुसऱ्याच दिवशी सोने-चांदीचे दर घसरले; असे आहेत आजचे दर

‘‘शिक्षणाच्या जोडीने शहाणपणही यावं’’

लोककलेच्या गजरात रंगलेला ‘दुर्गा पुरस्कार’

पाच वर्षांत मंत्र्यांच्या संपत्तीमध्ये प्रचंड वाढ, वाचा कोणत्या मंत्र्यांची संपत्ती किती वाढली?

शिंदेंचा पाईक मिलिंद नार्वेकरांच्या भेटीला

हेही वाचा : महाराष्ट्र भूषण पुरस्कार सोहळ्यासाठी पत्नीसह पोहोचले अशोक सराफ; निवेदिता म्हणाल्या, “माझ्या माहेरचे-सासरचे सगळेजण…”

गुरुवारी (२२ फेब्रुवारी २०२३ ) रोजी महाराष्ट्र शासनाकडून दिला जाणारा सर्वोच्च नागरी सन्मान असणारा ‘महाराष्ट्र भूषण पुरस्कार’ ज्येष्ठ अभिनेते अशोक सराफ यांना तर मानाचा ‘गानसम्राज्ञी लता मंगेशकर पुरस्कार’ ज्येष्ठ पार्श्वगायक सुरेश वाडकर यांना प्रदान करण्यात आला आहे. मुंबईतील वरळी येथे पार पडलेल्या ५७ व्या राज्य चित्रपट पुरस्कार सोहळ्यात हे पुरस्कार प्रदान करण्यात आले.

हेही वाचा : …अन् भारती सिंह थक्क झाली! सांगितला माधुरी दीक्षितच्या लेकाचा खास किस्सा; म्हणाली, “सेटवर त्याने…”

अशोक सराफ यांनी मराठीसह बॉलीवूडमध्येही आपल्या अभिनयाची छाप उमटवली आहे. त्यांच्या अभिनयातून प्रेक्षकांना केवळ विनोदीचं नव्हे तर गंभीर भूमिका ते खलनायक अशा अभिनयाच्या विविध बहुरुपी छटा आपल्याला पाहायला मिळाल्या. अशोक सराफ यांना २०२३चा मानाचा महाराष्ट्र भूषण पुरस्कार प्रदान करण्यात आल्यावर सध्या सर्व स्तरांतून त्यांच्यावर शुभेच्छांसह कौतुकाचा वर्षाव करण्यात येत आहे.

महाराष्ट्र भूषण पुरस्कार मिळण्याआधी अशोक सराफ माध्यमांशी संवाद साधताना म्हणाले होते, “या क्षणाला मला नंबर १ झाल्यासारखं वाटतंय. आपल्या कार्यभूमीत असं कौतुक होणं ही प्रत्येकासाठीच खूप मोठी गोष्ट आहे. माझ्या आजच्या लूकचं पूर्ण श्रेय निवेदिताचं आहे. माझ्यासाठी हा खूप मोठा प्रसंग आहे. माझ्यासाठी हा खूप मोठा सत्कार आहे असं मी समजतो.”