आपल्या मुलीचं लग्न थाटामाटात व्हावं, तिला चांगला जोडीदार मिळावा असं प्रत्येक आई-वडिलांना वाटतं. आपल्या मुलीला योग्य जोडीदार मिळाला की आई-वडिलांना सर्वाधिक आनंद होतो. असंच काहीसं आता अभिनेते सुनील तावडे यांच्याबाबतीत घडताना दिसत आहे. सुनील यांची लेक लवकरच विवाहबंधनात अडकणार आहे. तिच्याच लग्नाची सध्या जोरदार तयारी ते करत आहेत. आणखी वाचा - Video : मित्राच्या गाडीने फिरणाऱ्या शिव ठाकरेचं आणखी एक स्वप्न पूर्ण, खरेदी केलेल्या नव्या कारची किंमत आहे तब्बल… अंकिता असं सुनील यांच्या मुलीचं नाव आहे. तिच्या लग्नापूर्वीच्या विधींनी सुरुवात झाली आहे. शिवाय हळदीचीही तयारी सुरू आहे. सुनील यांचा लेक अभिनेता शुभंकर तावडे त्याच्या सोशल मीडिया अकाऊंटद्वारे बहिणीच्या लग्नाचे विविध व्हिडीओ व फोटो पोस्ट करत आहे. तर सुनील यांनीही काही व्हिडीओ शेअर केले आहेत. अंकिताने शेअर केलेल्या व्हिडीओमध्ये सुनील हे तिच्या होणाऱ्या पतीबरोबर डान्स करताना दिसत आहेत. संगीत कार्यक्रमाच्या तयारीदरम्यानचा हा व्हिडीओ आहे असं बोललं जात आहे. पण या व्हिडीओमध्ये सुनील अगदी आनंदाने डान्स करताना दिसत आहेत. त्यांचा हा व्हिडीओ सध्या सोशल मीडियावर व्हायरल होत आहे. आणखी वाचा - शिल्पा शेट्टीची आई रुग्णालयात दाखल, अभिनेत्रीने फोटो शेअर करत दिली माहिती, म्हणाली, “शस्त्रक्रिया…” सुनील यांची मुलगी अंकिताचाही कलाक्षेत्राशी संबंध आहे. ती स्टार प्रवाह वाहिनीचं वरिष्ठ निर्माती म्हणून काम पाहते. तर शुभंकरही अभिनयक्षेत्रामध्ये उत्तम काम करत आहे. सुनील सध्या लेकीच्या लग्नाच्या तयारीमध्ये व्यग्र आहेत. आज अंकिताच्या हळदीचा कार्यक्रम आहे. शुभंकरने मंडपाचा फोटो व हळदीच्या तयारीबाबत फोटो पोस्ट करत माहिती दिली होती.
