“ज्याला लावणी माहीत नाही त्याला…” मेघा घाडगेची संतप्त पोस्ट

मेघा अनेकदा फोटो व रील व्हिडीओही शेअर करते. नुकतंच तिने तिच्या इन्स्टाग्राम अकाऊंटवरुन एक फोटो शेअर केला आहे. या फोटोमध्ये तिने नऊवारी साडी नेसून साज श्रृगांर केला आहे. केसांत गजरा माळून ऐटीत मेघा फोटोसाठी पोझ देण्यासाठी बसलेली दिसत आहे. मेघाने या फोटोला दिलेल्या कॅप्शनने सगळ्यांचंच लक्ष वेधून घेतलं आहे.

हेही वाचा>> शूटिंगदरम्यान गोविंदाने चाहत्याच्या कानशिलात लगावली, प्रकरण कोर्टात गेलं अन्…; नेमकं काय घडलं होतं?

मेघाने या फोटोला “थोतांड तुमच्या ट्रेंडचे इथं दावु नका, देखाव्याची इंग्रजी इथे आजमावू नका, ढोलकी आणि लेझिमला कुणी तोड नाही, ज्याला माहीत नाही “लावणी” त्याला मराठी म्हणू नका…” असं तिने कॅप्शनमध्ये संताप व्यक्त केला आहे. मेघाच्या या फोटोवर चाहत्यांनी कमेंट्सही केल्या आहेत.

हेही वाचा>> ‘बिग बॉस’च्या घरातून बाहेर पडताच विकास सावंतला लागली लॉटरी; प्रसिद्ध दिग्दर्शकाने दिली चित्रपटाची ऑफर

हेही पाहा>>Photos: ‘पठाण’मुळे वादाच्या भोवऱ्यात अडकलेला शाहरुख खान इन्स्टाग्रामवर फक्त ‘या’ सहा जणांना करतो फॉलो

ठसकेबाज लावणी व अदांनी चाहत्यांचं लक्ष वेधून घेणारी मेघा ‘बिग बॉस मराठी’च्या चौथ्या पर्वात सहभागी झाली होती. मेघाने तिचा लावणीतील ठसकेबाजपणा ‘बिग बॉस’च्या घरातही दाखवला होता. परंतु, अगदी काही आठवड्यांतच तिचा ‘बिग बॉस’मधील प्रवास संपला आणि ती खेळातून बाहेर पडली.