सुबोध भावे गेले काही दिवस ‘फुलराणी’ या आगामी चित्रपटामुळे चर्चेत आहे. काही दिवसांपूर्वी या चित्रपटाचं पोस्टर प्रदर्शित झालं होतं. या पोस्टरमध्ये अभिनेत्री पाठमोरी उभी असलेली दिसली. त्यामुळे गेले अनेक दिवस फुलराणी कोण साकारणार अशी चर्चा रंगली होती. अखेर आज याचा उलगडा झाला आहे.
सुबोध भावे ची प्रमुख भूमिका असलेल्या ‘फुलराणी’ या चित्रपटासाठी टीझर आज प्रदर्शित झाला. या टीझरमधून फुलराणी कोण साकारणार हे आता प्रेक्षकांसमोर आलं आहे. ही अभिनेत्री दुसरी तिसरी कोणीही नसून ‘महाराष्ट्राची हास्यजत्रा’ फेम प्रियदर्शनी इंदलकर आहे. ती या चित्रपटात प्रमुख भूमिका साकारताना दिसणार आहे.
आणखी वाचा : प्रसाद ओक व सई ताम्हणकरला हात जोडून मागावी लागली माफी, नेमकं प्रकरण काय?
या चित्रपटात सुबोध भावे विक्रम ही भूमिका साकारताना दिसणार आहे तर सुशांत शेलार सौरभ ही व्यक्तिरेखा साकारत आहे. या चित्रपटाच्या टीचरची सुरुवात एका ब्युटी कॉन्टेस्टपासून होते. तर यात सुबोध भावे रॅम्प वॉक करताना दिसत आहे. दरवर्षी माझ्या ग्रुमिंगमुळे या कॉन्टेस्टची विजेती त्याची मुलगीच होते असं तो म्हणतो. तर त्यावर त्याला सुशांत शेलार चॅलेंज करतो. मग काय एन्ट्री होते प्रियदर्शनी इंदलकरची. यात ती शेवंता तांडेल नावाच्या मुलीची भूमिका साकारत आहे. सुबोध भावे तुला तू पुढच्या ब्युटी कॉन्टेस्ट ची विजेती असशील असा विश्वास दाखवतो. या टीझरमध्ये प्रियदर्शनीचा अल्लड पण गावरान अंदाज पहायला मिळतोय. त्याचबरोबर या टीझरमध्ये दिवंगत अभिनेते विक्रम गोखले यांचीही झलक पहायला मिळत आहे
या टीझरला सोशल मीडिया वरून भरभरून प्रतिसाद मिळतोय. या व्हिडिओवर कमेंट करत नेटकरी हा टीझर आवडल्याचं सांगत आहेत. चित्रपट पुढील महिन्यात म्हणजेच २२ मार्च रोजी प्रदर्शित होईल.
