प्रशांत दामले यांना कलाक्षेत्रातील मानाचा पुरस्कार जाहीर; पोस्ट शेअर करत दिली माहिती

प्रशांत दामले नाट्यसृष्टीत जितके सक्रीय असतात तितकेच ते सोशल मीडियावरदेखील असतात. नुकतीच त्यांनी एक पोस्ट शेअर केली आहे ज्यावरून त्यांना चाहते अभिनंदन करत आहेत. पोस्टमध्ये ते असं म्हणालेत, “आपल्या सर्वांच्या अलोट प्रेमामुळे व आशीर्वादामुळे मला संगीत नाटक अकादमी पुरस्कार जाहीर झाला.. असच प्रेम असूदे” या शब्दात त्यांनी भावना व्यक्त केल्या आहेत.

Photos : कॉमेडीचा बादशहा सिद्धिविनायकाच्या चरणी; कुटुंबियांबरोबर घेतलं दर्शन

संगीत नाटक अकादमी पुरस्कार हा कलाक्षेत्रातील एक मोठा पुरस्कार मानला जातो. संगीत, नाट्य आणि नृत्य क्षेत्रांतील उल्लेखनीय योगदानासाठी हा पुरस्कार दिला जातो. विविध कलाक्षेत्रातील कलावंतांना देण्यात येणारा हा एक सर्वोच्च भारतीय सन्मान आहे. कुमार गंधर्व, भीमसेन जोशी, किशोरी आमोणकर यांसारख्या दिग्गज कलाकारांना या पुरस्काराने सन्मानित करण्यात आले आहे.

प्रशांत दामले यांनी त्यांच्या विनोदीबुद्धीने प्रेक्षकांची मन जिंकली आहेत. नाटकांच्या बरोबरीने त्यांनी चित्रपटांमध्ये काम केले आहे. त्याचबरोबर ते पाककृतीशी निगडित असलेल्या कार्यक्रमांचे सूत्रसंचालन करतात. प्रशांत दामले सध्या वर्ष उसगावकर यांच्याबरोबर ‘सारखं काहीतरी होतंय’ या नाटकात दिसत आहेत. अनेक वर्षांनंतर ही जोडी रंगमंचावर दिसत आहे