मराठीमध्ये वेगवेगळ्या विषयांवर आधारित चित्रपट प्रदर्शित होत आहेत. त्यातीलच एक चित्रपट म्हणजे ‘टकाटक’. २०१९मध्ये प्रदर्शित झालेल्या या चित्रपटामधील बोल्ड सीनने प्रेक्षकांचं लक्ष वेधून घेतलं होतं. ‘टकाटक’ मिळालेल्या यशानंतर आता या चित्रपटाचा दुसरा भाग प्रेक्षकांच्या भेटीला येणार आहे. या चित्रपटाच्या प्रदर्शनाची तारीख आता घोषित करण्यात आली आहे. पुन्हा मनोरंजनाचा डबल डोस प्रेक्षकांना अनुभवायला मिळणार आहे.
आणखी वाचा – Photos : सोनम कपूरच्या डोहाळे जेवणाचे फोटो पाहिलेत का?, लंडनमध्ये थाटामाटात पार पडला कार्यक्रम
रिलायन्स एंटरटेनमेंट स्टुडिओ आणि पर्पल बुल एंटरटेनमेंटने ‘टकाटक २’च्या प्रदर्शनाची तारीख घोषित केली आहे. ‘टकाटक २’ कधी प्रदर्शित होणार याची प्रेक्षक आतुरतेने वाट पाहत होते. हा चित्रपट १९ ऑगस्टला चित्रपटगृहामध्ये दाखल होणार आहे. शिवाय ‘टकाटक २’मध्ये काय पाहायला मिळणार याची प्रेक्षकांना उत्सुकता लागून राहिली आहे.
‘टकाटक’च्या पहिल्या भागामध्ये अनेक बोल्ड सीन पाहायला मिळाले. तसेच या चित्रपटाची बरीच चर्चा रंगताना दिसली. अभिनेता प्रथमेश परब या चित्रपटात मुख्य भूमिकेत होता. आता दुसऱ्या भागातही प्रथमेश काम करताना दिसणार आहे. त्याचबरोबरीने अक्षय केळकर, अजिंक्य राऊत, भूमिका कदम, प्रणाली भालेराव, कोमल बोडखे, सुशांत दिवेकर, स्वप्नील राजेशिर्के, किरण माने, पंकज विष्णू, किरण बेरड, आरजे महेश काळे, स्मिता डोंगरे आदी कलाकारांच्या महत्त्वाच्या भूमिका आहेत.
आणखी वाचा – Photos : विशाळगडाच्या पायथ्याशी ‘पावनखिंड’मधील अभिनेत्याने बांधलं घर, पाहा फोटो
‘टकाटक’प्रमाणेच ‘टकाटक २’देखील मनोरंजनाच्या माध्यमातून एक सुंदर संदेश देण्याचा प्रयत्न करण्यात आला आहे. या चित्रपटाचं बरचसं चित्रीकरण गोव्यात झालं आहे. म्हणजेच गोव्याचं निसर्ग सौंदर्य आणि धमाल-मस्ती यामध्ये पाहायला मिळेल. मिलिंद कवडे यांनी या चित्रपटाचं दिग्दर्शन केलं आहे. ‘टकाटक २’ला कितपत प्रतिसाद मिळणार हे पाहणं रंजक ठरणार आहे.
