कोणत्याही मुलासाठी आईपेक्षा चांगले कोणी नाही. हे एक अतिशय सुंदर आणि अनोखे नाते आहे. त्याची आई हेच त्याचे जग असते. या नात्यात फक्त आपुलकी आणि निस्वार्थ प्रेम दिसते. आईच्या त्यागाची आणि प्रेमाची तुलना तुम्ही जगातील कोणत्याही गोष्टीशी करू शकत नाही.
‘आई’ हा फक्त एक शब्द नाही तर ती एक भावना आहे जी जीवन देते, जगायला शिकवते आणि प्रत्येक श्वासात आपल्या मुलांसाठी जगते. तिचे प्रेम निःस्वार्थ आहे. आईबद्दलचं प्रेम व्यक्त करण्यासाठी मातृदिन साजरा केला जातो.
मातृदिन दरवर्षी मे महिन्याच्या दुसऱ्या रविवारी साजरा केला जातो. यंदाचा मातृदिन आज म्हणजेच ११ मे २०२५ रोजी साजरा केला जात आहे. मदर्स डेनिमित्त प्रत्येकाने त्यांच्या आईची आठवण काढली, पण काही सेलिब्रिटींच्या पोस्ट खरोखरच मनाला भिडल्या.
चला, त्यांच्या पोस्टवर एक नजर टाकूया
या खास प्रसंगी सनी देओलने त्याच्या आईसाठी एक भावनिक व्हिडीओ बनवला. या व्हिडीओमध्ये आई आणि मुलाचे अनेक न पाहिलेले फोटो आहेत, जे त्याने इन्स्टाग्रामवर शेअर केले आहेत. सनीने कॅप्शनमध्ये लिहिले आहे, “त्या महिलेसाठी, जिने मला सर्वकाही दिले, काहीही न मागता… तुझे प्रेम माझ्यासाठी सर्वात मोठी भेट आहे. मदर्स डेच्या शुभेच्छा आई!”
अनुपम खेर यांनी त्यांची आई दुलारी खेर यांचा एक सुंदर फोटो इन्स्टाग्रामवर पोस्ट केला. या सुंदर फोटोसह त्यांनी सर्वांना मातृदिनाच्या शुभेच्छा दिल्या आहेत.
बोनी कपूर यांची पोस्ट
बोनी कपूर यांनी सोशल मीडियावर भावनिक होऊन त्यांच्या आईबरोबरचा बालपणीचा एक गोंडस फोटो शेअर केला. तसेच या पोस्टद्वारे त्यांनी अंतिम निरोपाची झलक दाखवली आणि एक हृदयस्पर्शी कॅप्शन लिहिले: ‘आई, तू माझी सर्वात गोड ‘हॅलो’ आणि सर्वात कठीण ‘गुडबाय’ होतीस… #MothersDay #happymothersday’
नीतू कपूर यांनी शेअर केला आलिया-रणबीरच्या लग्नाचा फोटो
मदर्स डेच्या दिवशी नीतू कपूर यांनी त्यांची सून आलिया भट्ट आणि मुलगी रिद्धिमा कपूरबरोबरचा एक फोटो शेअर केला, जो रणबीर-आलियाच्या लग्नाच्या वेळेचा होता. कॅप्शनमध्ये लिहिले: ‘मातृदिनाच्या शुभेच्छा!’
शिल्पा शेट्टीनेदेखील तिच्या इन्स्टाग्राम अकाउंटवर मदर्स डेची पोस्ट शेअर केली आहे. या पोस्टमध्ये अभिनेत्रीने तिच्या आई आणि सासूबरोबरचे अनेक न पाहिलेले फोटो शेअर केले आहेत. अभिनेत्रीने लिहिले, ‘भारत माता की जय, माझ्या आणि तुमच्या आईला मातृदिनाच्या शुभेच्छा!’
