बॉलिवूड अभिनेत्री अलिया भट्ट आणि अभिनेता रणबीर कपूर यांच्या नात्याची सोशल मीडियावर नेहमीच चर्चा होताना दिसते. सध्या दोघांच्याही चाहत्यांना त्यांच्या लग्नाची उत्सुकता लागून राहिली आहे. अशात आता रणबीर कपूरची आई नीतू कपूर यांनी आलिया- रणबीरच्या लग्नाबाबत प्रतिक्रिया दिली आहे. नीतू कपूर यांनी पॅपराजींच्या प्रश्नाचं उत्तर देताना या दोघांच्या लग्नाबाबत सर्वांना इशारा दिला आहे. नीतू कपूर यांनी नुकतीच 'डान्स दिवाने'च्या सेटवर हजेरी लावली. यावेळी काही फोटो ग्राफर्सनी त्यांना आलिया आणि रणबीरच्या लग्नाबाबत प्रश्न विचारले. 'सून घरी कधी येणार?' असा प्रश्न देखील यावेळी नीतू कपूर यांना विचारण्यात आला आणि या प्रश्नाचं उत्तर देताना नीतू कपूर यांनी वर आभाळाकडे पाहत 'आता हे देवालाच माहीत' असा इशारा केला. नीतू कपूर यांचा हा व्हिडीओ सध्या सोशल मीडियावर बराच व्हायरल होताना दिसत आहे. फोटोग्राफर विरल भयानी यांनी हा व्हिडीओ इन्स्टाग्रामवर शेअर केला आहे. आणखी वाचा- “त्यांच्यासाठी मी बदनाम अभिनेत्री…” विनोद मेहरांच्या आईबाबत रेखा यांनी केला होता खुलासा आलिया भट्ट आणि रणबीर कपूर यांनी २०१८ मध्ये एकमेकांना डेट करायला सुरुवात केली होती. त्यावेळी त्यांनी 'ब्रह्मास्त्र' चित्रपटासाठी काम करायला सुरुवात केली होती. त्यानंतर अलिकडेच या दोघांनी वाराणसीमध्ये चित्रपटचं अखेरचं शूटिंग पूर्ण केलं. तब्बल ५ वर्षांनंतर या चित्रपटाचं शूटिंग पूर्ण झालं. हा चित्रपट ९ सप्टेंबर २०२२ ला प्रेक्षकांच्या भेटीला येणार आहे आणि यानिमित्तानं आलिया- रणबीर पहिल्यांदाच सिल्व्हर स्क्रिनवर एकत्र दिसणार आहेत. दरम्यान चित्रपट प्रदर्शित होण्याआधी आलिया आणि रणबीर लग्नाच्या बेडीत अडकणार अशी चर्चा सुरू आहे. आणखी वाचा- “मला वेड्या कुत्र्याने…” गर्लफ्रेंड अलियाशी लग्न करण्याच्या प्रश्नावर रणबीरची प्रतिक्रिया चर्चेत दरम्यान मागच्या महिन्यात काही रिपोर्ट्सनी असा दावा केला होता की, आलिया आणि रणबीर कपूर एप्रिल महिन्यात लग्नाच्या बेडीत अडकणार आहेत. हा एक खासगी विवाहसोहळा असणार आहे आणि यात केवळ आलिया- रणबीरचे कुटुंबीय आणि जवळचे नातेवाईक तसेच मित्रपरिवार उपस्थित असणार आहे. याशिवाय रणबीर कपूरची आत्या रिमा जैन यांनी रणबीर आणि आलिया लवकरच लग्न करणार आहे असं एका मुलाखतीत सांगितलं होतं मात्र ते लग्न कधी करणार याचा खुलासा त्यांनी केला नव्हता.
