काश्मीरची दुसरी बाजू समोर मांडणारी वेबसीरिज लवकरच प्रेक्षकांच्या भेटीला, टीझर प्रदर्शित

ही वेबसीरिज इस्राईली वेबसीरिज ‘फौदा’चं अधिकृत adaption असणार आहे. तब्बल दीड मिनिटांच्या या टीझरमध्ये काश्मीरमधला तणाव, राजकीय संघर्ष आणि धार्मिक तेढ याचं चित्रण आपल्याला दिसतं. एकूणच या सीरिजमध्ये काश्मीरमधली आणखीन एक वेगळी बाजू बघायला मिळू शकते.

फौदा ही वेबसीरिज इस्राईलमधील आतंकवादी संघटना आणि सुरक्षा यंत्रणा यांच्यातल्या संघर्षावर बेतलेली आहे. तर ‘तणाव’मध्ये असाच संघर्ष आपल्याला बघायला मिळू शकतो. टीझरच्या शेवटी येणारं “ये कश्मीर है, कूछ खतम नहीं होने वाला” हे वाक्य ऐकून सीरिजमध्ये नेमकं काय बघायला मिळणार याची उत्सुकता लागली आहे.

आणखी वाचा : ‘द काश्मीर फाइल्स’ची कहाणी खोटी म्हणणाऱ्या नसीरुद्दीन शाहंना, विवेक अग्निहोत्रीने दिले उत्तर

सुप्रसिद्ध दिग्दर्शक सुधीर मिश्रा हे या सीरिजची निर्मिती करणार असून, ते स्वतः या सीरिजचं दिग्दर्शनही करणार आहेत. या सीरिजमध्ये मानव वीज, अरबाज खान, रजत कपूर, झरीना वहाब हे कलाकार मुख्य भूमिकेत दिसणार आहेत. याबरोबरच कित्येक नवीन चेहेरेदेखील या सीरिजमध्ये बघायला मिळू शकतात. एकूणच या सीरिजचा टीझर प्रदर्शित करताना सोनी लीव्हने “एकाच नाण्याच्या दोन बाजू” असं पोस्ट केलं आहे. त्यामुळे ही सीरिज म्हणजे ‘द कश्मीर फाईल्स’ला उत्तर अशा चर्चा सध्या सोशल मीडियावर रंगतान दिसत आहेत.