न्यू इयर रिजोल्यूशन शक्यतो मी करत नाही. इट्स अनदर डे फॉर मी. आयुष्यात आपण बऱ्याच गोष्टी ठरवतो त्या होतातच असं नाही. त्यामुळे मी संकल्प टप्प्या टप्प्याने करणं पसंत करते. संकल्प करायचा झालाच तर सध्याची परिस्थिती पाहता मी पाणी बचत आणि निदान माझ्या आसपासचा परिसर स्वच्छ ठेवण्याचा पुरेपूर प्रयत्न करेन. येत्या नवीन वर्षात माझा पहिल्यांदा एखादा सिनेमा प्रदर्शित होतोय. त्यामुळे मी नव्या वर्षाची आतुरतेने वाट बघतेय. १५ जानेवारी रोजी प्रदर्शित होणारा ‘शासन’ सिनेमा आणि त्यानंतर तीन दिवसांनंतर येणारा माझा वाढदिवस अशा दोन्ही गोष्टी लागोपाठ आल्यामुळे हे वर्ष मझ्यासाठी खूप खास आहे. गजेंद्र आहिरे दिग्दर्शित ‘शासन’ सिनेमातील माझी भूमिका वेगळी असून आव्हानात्मक आहे. त्यात प्रेक्षकांना मी एक नर्तिका म्हणून नाही तर अभिनेत्री म्हणून पाहायला मिळणार आहे.
नर्तिका, अभिनेत्री – अदिती भागवत