अभिनेत्री सुश्मिता सेन ही गेल्या काही दिवसांपासून सातत्याने चर्चेत आहे. नुकतंच सुश्मिताची बहुप्रतिक्षित आणि बहुचर्चित ‘ताली’ ही वेबसीरिज नुकतीच प्रदर्शित झाली. ही वेबसीरिज तृतीयपंथी लोकांसाठी झटणाऱ्या, त्यांच्यासाठी सतत काम करणाऱ्या सामाजिक कार्यकर्त्या गौरी सावंत यांच्यावर आधारित आहे. सध्या सुश्मिताच्या या वेबसीरिजची सर्वत्र चर्चा पाहायला मिळत आहे. नुकतंच अभिनेत्री स्वानंदी टिकेकरने याबद्दल पोस्ट शेअर केली आहे.

सुश्मिता सेनच्या ‘ताली’ या वेबसीरीजमध्ये अनेक मराठी कलाकार झळकताना दिसत आहे. या वेबसीरिजमध्ये अभिनेता सुव्रत जोशीने तृतीयपंथी व्यक्तीची भूमिका साकारली आहे. त्याच्या या भूमिकेने सर्वांचेच लक्ष वेधून घेतले आहे. नुकतंच अभिनेत्री स्वानंदी टिकेकरने सुव्रतसाठी खास पोस्ट शेअर केली आहे.
आणखी वाचा : “…बस इतकेच”, सुश्मिता सेनची ‘ताली’ वेबसीरिज पाहिल्यानंतर सुबोध भावेची पोस्ट, म्हणाला “रवी जाधव तुझ्या…”

“मला तुझा खूप खूप अभिमान वाटतो. ‘ताली’मध्ये तू खूप छान काम केलं. खूप प्रेम”, असे स्वानंदीने या पोस्टमध्ये म्हटले आहे. त्याबरोबर तिने सुव्रतचा एक छान फोटोही शेअर केला आहे. तसेच तिने हार्ट इमोजीही पोस्ट केला आहे.

swanandi tikekar
स्वानंदी टिकेकर

आणखी वाचा : सुश्मिता सेनची वेबसीरिज पाहिल्यानंतर सायली संजीवची पोस्ट, म्हणाली “ताली तर…”

This quiz is AI-generated and for edutainment purposes only.

दरम्यान ‘ताली’ ही वेबसीरिज १५ ऑगस्टला प्रदर्शित झाली. या वेबसीरिजचे दिग्दर्शन रवी जाधव यांनी केले आहे. तर याचे लेखन क्षितीज पटवर्धन यांनी केले आहे. यात सुष्मिता सेन ही प्रमुख भूमिका साकारत आहे.