९ फेब्रुवारी रोजी रजनीकांत यांचा बहुचर्चित ‘लाल सलाम’ हा चित्रपट प्रदर्शित झाला. या चित्रपटाच्या माध्यमातून रजनीकांत यांची मुलगी ऐश्वर्या रजनीकांत हिने पुन्हा दिग्दर्शनात कमबॅक केलं. यामध्ये रजनीकांत हे पाहुण्या कलाकाराच्या भूमिकेत झळकले असून त्यांचा यातील स्वॅग प्रेक्षकांना प्रचंड आवडला आहे. ‘जेलर’च्या तुलनेत रजनीकांत यांच्या या चित्रपटाने बॉक्स ऑफिसवर फारशी कमाई केलेली नाही.

हा चित्रपट रजनीकांत यांच्या कारकीर्दीतील सर्वात कमाई करणारा चित्रपट ठरला आहे. ११ दिवसांत या चित्रपटाने बॉक्स ऑफिसवर फक्त १६.३४ कोटींची कमाई केली आहे. चित्रपटाला मिळणारा प्रतिसाद पाहता याचे निर्माते आता याच्या ओटीटी प्रदर्शनाच्या तयारीत लागले आहेत. धार्मिक एकोप्याविषयी भाष्य करणारा हा एक स्पोर्ट्स ड्रामा चित्रपट आहे अन् एका चित्रपटाचा विषयही तितकाच संवेदनशील आहे.

आणखी वाचा
Pa Ranjith challenge to Tamil Nadu parties over BSP leader killing
“आम्ही तुम्हाला का घाबरायचं?”; बसपाच्या नेत्याच्या हत्येनंतर दिग्दर्शक पा रंजीत काढलेल्या मोर्चामुळे राजकारण तापले
Actor Ritesh Deshmukh believes that the amount of OTT is to some extent on the stress of financial success
आर्थिक यशाच्या ताणावर ‘ओटीटी’ची मात्रा काही प्रमाणात लागू; अभिनेता रितेश देशमुखचे मत
Loksatta Documentary Discovery channel David Attenborough Director
आम्ही डॉक्युमेण्ट्रीवाले: ‘पाहण्या’च्या पर्यायांत दिशादर्शक…
Kalki 2898AD
‘कल्की : २८९८ एडी’चा जगभरात जलवा! प्रभासच्या चित्रपटाने केला हजार कोटींचा टप्पा पार
Director Sukathankar, audience,
आता रडकेपणाने मराठी चित्रपटांविषयी चर्चा करणार की… दिग्दर्शक सुकथनकर यांच्या प्रेक्षकांना कानपिचक्या
Ranbir kapoor
‘या’ कारणामुळे रणबीर कपूरचे चित्रपट होतात ब्लॉकबस्टर; प्रसिद्ध दिग्दर्शकाकडून खुलासा
Renault Duster 7 Seater
Ertiga, Carens चे धाबे दणाणले! एकेकाळी हिंदी चित्रपटांमध्ये दिसणारी ‘ही’ कार नव्या अवतारात देशात दाखल होणार, किंमत…
lessons from spain picasso rashid khan and culture
अन्यथा : पिकासो, रशीद खान आणि संस्कृती ! स्पेनचे धडे : १

आणखी वाचा : Pathaan 2 Update: स्पाय युनिव्हर्सबद्दल मोठी अपडेट; किंग खानच्या ‘पठाण २’च्या शूटिंगला लवकरच होणार सुरुवात

हा चित्रपट साऱ्या देशभरात वेगवेगळ्या भाषांमध्ये प्रदर्शित न केल्याने हा चित्रपट बॉक्स ऑफिसवर अपयशी ठरल्याचा अंदाज बऱ्याच ट्रेड एक्स्पर्टनी लावला आहे. एकूणच चित्रपटाची कामगिरी पाहता याचे डिजिटल अधिकार कुणीच विकत घ्यायला तयार नव्हते पण आता ‘नेटफ्लिक्स’ या ओटीटी प्लॅटफॉर्मने या चित्रपटाच्या डिजिटल हक्क विकत घेतल्याचं सांगितलं जात आहे. तर सॅटेलाइट हक्क ‘सन टीव्ही’ने विकत घेतल्याचं स्पष्ट झालं आहे.

याचाच अर्थ रजनीकांत यांचा ‘लाल सलाम’ हा नेटफ्लिक्स या ओटीटी प्लॅटफॉर्मवर पाहायला मिळू शकतो. अद्याप याविषयी अधिकृत घोषणा झालेली नाही. पण ‘लाल सलाम’ हा चित्रपट पुढील महिन्यात नेटफ्लिक्सवर पाहायला मिळू शकतो अशी शक्यता वर्तवली जात आहे. बॉक्स ऑफिसवर सपशेल आपटल्याने ‘लाल सलाम’ ४० दिवसांच्या आतच ओटीटी वर उपलब्ध होणार असल्याचं स्पष्ट झालं आहे.