बॉलिवूड अभिनेता सुशांत सिंह राजपूत याच्या मृत्यूला आता वर्ष पूर्ण होईल, पण तरीही त्याच्या चाहत्यांच्या मनात आजही बसलेला आहे. बॉलिवूड अभिनेता सुशांत सिंह राजपूत त्याच्या अभिनयाइतकाच त्याच्या चांगल्या आणि प्रेमळ स्वभावामूळे चाहत्यांमध्ये लोकप्रिय होता. भलेही तो आज आपल्यात नसेल परंतु, त्याने केलेल्या काही गोष्टी त्याच्या चांगुलपणाची साक्ष देतात. त्याच्या याच चांगूलपणाची पोचपावती त्याच्या निधनानंतरही मिळताना दिसून येतेय. दिवंगत अभिनेता सुशांत सिंह राजपूत याच्या चाहत्यांसाठी एक आनंदाची बातमी आहे. सध्या सोशल मीडियावर सुशांत सिंह राजपूतचा फोटो मोठ्या प्रमाणात व्हायरल होतोय. या पोस्टमध्ये सांगण्यात आलंय की, बंगालच्या एका शाळेच्या पाठ्यपुस्तकात दिवंगत अभिनेता सुशांत सिंह राजपूतच्या फोटोचा समावेश करण्यात आला आहे. यात सुशांतची गाजलेली मालिका 'पवित्र रिश्ता' मधल्या मानवचा फोटो वापरण्यात आलाय. बंगालच्या एका शाळेत विद्यार्थ्यांना कुटुंबाचे काय महत्त्व असतं, हे शिकण्यासाठी सुशांतचा फोटो वापरण्यात आलाय. या फोटोमध्ये सुशांत एका वडिलाच्या भूमिकेत दिसून येतोय. सुशांतची मैत्रिण स्मिता पारेख हीने तिच्या ट्विटर अकाऊंटवरून हा फोटो शेअर करून माहिती दिली. या फोटोमध्ये सुशांतसोबत अंकिता लोखंडे सुद्धा दिसतेय. स्मिता पारेखने हा फोटो शेअर करताना लिहिलं की, "हे पाहून मला खूप अभिमान वाटतोय. शिक्षण मंडळाला देखील सुशांत बेस्ट होता हे कळलंय." Another primary bangla textbook published our beloved @itsSSR ’s pic, to depict a family a father figure. @withoutthemind @divinemitz look at this.I am so proud of him. Clearly shows that our education board also feels he is the best. pic.twitter.com/hiyT1giMap — Smita GLK Parikh - SSR (@smitaparikh2) May 5, 2021 आणखी एक फोटो सध्या सोशल मीडियावर मोठ्या प्रमाणात व्हायरल होतोय. हा फोटो शेअर करताना युजरने लिहिलं की, "हे माझ्या चुलत बहिणीच्या विज्ञानाचे पुस्तक आहे.ती तिसरी इयत्तेत शिकतेय. या पुस्तकात माणूस कसा असतो, जनावरे कसे असतात हे सांगितलंय. पण तिच्या पुस्तकात माणूस कसा असतो हे दाखण्यासाठी सुशांतचा फोटो वापरलाय. हे पुस्तक बांगाली भाषेत आहे. सुशांतची गाजलेली मालिका 'पवित्र रिश्ता' मालिकेत त्याचं नाव 'मानव' होतं. याच कारणांसाठी कदाचित माणूस आणि जनावरे यांच्यातला फरक समजवण्यासाठी सुशांतचा 'मानव' म्हणून फोटो वापरण्यात आलाय. This is my little cousin sister's School science book She's in 3rd standard The book says what is human, what is animal etc. Here, @itsSSR 's picture is as an example of human@nilotpalm3 @divinemitz @withoutthemind @shwetasinghkirt @SelfmusingSsr @Anonymo85632208 pic.twitter.com/WD7kY8yYos — Sandy(Justice4SSR) (@SandyDutta11) March 22, 2021 34 वर्षीय अभिनेता सुशांत सिंह राजपूतचा मृतदेह मुंबईतील वांद्र्यातील घरात पंख्याला लटकलेल्या अवस्थेत सापडला. सुशांतच्या मृत्यूचा तपास सध्या सीबीआय करीत आहेत. अभिनेत्री रिया चक्रवर्तीने सुशांतला लुटल्याचा आरोप केल्याने सुशांतच्या कुटूंबियांनी केला. त्यानंतर ईडीने या प्रकरणात गुन्हा दाखल केला. सुशांत सिंह राजपूत आत्महत्येचा तपास वांद्रे पोलीस, सायबर सेल, फॉरेन्सिक विभाग आणि मुंबई क्राईम ब्रांचकडून होत आहे.
