मातृदिनानिमित्त बॉलीवूडमधील कलाकारांनीही त्यांच्या आईसाठी अनेक सुंदर पोस्ट शेअर केल्या आहेत. काहींनी त्यांच्या आईसाठी जुने फोटो शेअर करून त्यांच्या आईबरोबरच्या आठवणी ताज्या केल्या आहेत.
बॉलीवूडचा प्रसिद्ध अभिनेता सलमान खाननेही आज सोशल मीडियावर एक गोंडस फोटो शेअर केला आहे. यामध्ये तो त्याची आई सलमा खान यांच्याबरोबर दिसत आहे. सावत्र आई हेलेनदेखील या फोटोमध्ये आहेत.
या फोटोमध्ये सलमान पांढऱ्या आणि गुलाबी रंगाच्या चेक्सच्या शर्टमध्ये बसलेला दिसत आहे. यादरम्यान त्याची आई सलमा त्याचा हात धरून त्याच्या शेजारी बसली आहे. हेलन अभिनेत्याच्या खांद्यावर हात ठेवून पोज देताना दिसत आहेत.
वडील सलीम खान यांचे मानले आभार
आई सलमा आणि हेलन यांच्याबरोबरचा एक गोंडस फोटो पोस्ट करताना सलमान खानने एक अतिशय सुंदर कॅप्शनदेखील लिहिले आहे. तसेच, त्याने त्याचे वडील सलीम खान यांचेही आभार मानले. सलमान खानने लिहिले, “जगातील सर्वोत्तम आईसाठी, खूप खूप धन्यवाद बाबा. माझ्या जगातील सर्वात सुंदर महिलांना मातृदिनाच्या शुभेच्छा!”
सलमान खानची ही पोस्ट पाहून चाहते त्याचे खूप कौतुक करत आहेत. एका चाहत्याने कमेंट केली, ‘देशाचा सर्वोत्तम मुलगा.’ दुसऱ्याने लिहिले, ‘वाह, आयुष्यातील सर्वोत्तम क्षण.’ याशिवाय, चाहते रेड हार्ट इमोजी कमेंट करून सलमानच्या पोस्टवर प्रेमाचा वर्षाव करत आहेत.
शस्त्रविरामावरील पोस्टमुळे सलमानला ट्रोल करण्यात आले
सलमान खानने यापूर्वी भारत-पाकिस्तान शस्त्रविरामावर एक पोस्ट शेअर केली होती, जी त्याने नंतर डिलीट केली. या पोस्टमध्ये लिहिले होते, “देवाचे आभार, शस्त्रविराम झाले…”. या पोस्टमुळे त्याला खूप ट्रोल करण्यात आले. त्याच्या अलीकडील पोस्टवर कमेंट करून लोक याबद्दल प्रश्न विचारत आहेत.
एका वापरकर्त्याने कमेंट केली, “सर, काल रात्री तुम्ही ट्विटरवर जे बोललात त्यामुळे मी खूप निराश झालो आहे. तुम्ही एक भारतीय अभिनेता आहात, तुम्ही प्रथम तुमच्या भारतीय सैन्याला पाठिंबा द्यावा.”
