पंजाबचा गायक सिद्धू मुसेवाला यांची रविवारी गोळ्या झाडून हत्या केल्याची खळबळजनक घटना घडली आहे. मानसाच्या जवाहरके गावाजवळ मूसेवाला यांच्यावर गोळीबार करण्यात आला. या घटनेनंतर, मुसेवाला याला गंभीर अवस्थेत मानसा येथील रुग्णालयात दाखल करण्यात आले. तेथे उपचारादरम्यान त्यांचा मृत्यू झाला. या घटनेनंतर पंजाबसह संपूर्ण भारतात खळबळ उडाली आहे. सिद्धू मुसेवाला यांच्या हत्येनंतर बॉलिवूडसह सिनेसृष्टीतील अनेक कलाकार हळहळ व्यक्त करत आहे.
अभिनेता सोनू सूद याने नुकतंच सिद्धू मुसेवाला यांच्याबद्दल एक ट्विट केले आहे. सोनू सूदने सिद्धू मुसेवाला यांच्या हत्येनंतर एक भावूक पोस्ट शेअर केली आहे. सोनू सूदने ट्विटरवर सिद्धू यांचा त्यांच्या आईसोबतचा एक फोटो शेअर केला आहे. हा फोटो शेअर करत आणखी एका आईचा मुलगा निघून गेला, असे त्याने म्हटले आहे. याद्वारे सोनू सूदने अप्रत्यक्षपणे या घटनेचा निषेध केला आहे.
“मला चुकीचे समजू नका…”, सिद्धू मुसेवाला यांची शेवटची पोस्ट चर्चेत
नेमकं प्रकरण काय?
पंजाबचा गायक सिद्धू मुसेवाला यांची रविवारी गोळ्या झाडून हत्या केल्याची खळबळजनक घटना घडली आहे. मानसाच्या जवाहरके गावाजवळ मूसेवाला यांच्यावर गोळीबार करण्यात आला. या घटनेनंतर, मुसेवाला याला गंभीर अवस्थेत मानसा येथील रुग्णालयात दाखल करण्यात आले. तेथे उपचारादरम्यान त्यांचा मृत्यू झाला. या घटनेत मुसेवाला यांच्यासोबत असलेले आणखी दोन जण जखमी झाल्याचे सांगण्यात येत आहे. सिद्धू मुसेवाला यांची सुरक्षाव्यवस्था राज्य सरकारने काढून घेतल्याच्या दुसऱ्याच दिवशी त्यांची हत्या करण्यात आली.
मुसेवाला यांची मानसा जिल्ह्यात हत्या करण्यात आली आहे. हल्लेखोरांनी सिद्धू मुसेवाला यांच्यावर गोळीबार केला. त्यामुळे त्यांचा मृत्यू झाला. त्याचवेळी घटनेच्या तीन तासांनंतर गँगस्टर गोल्डी ब्रारने फेसबुक पोस्टद्वारे हत्येची जबाबदारी स्वीकारली. गोल्डी ब्रार हा कॅनडामध्ये आहे.
दरम्यान, या घटनेनंतर पंजाब पोलिसांशिवाय हरियाणा आणि इतर राज्यांच्या पोलिसांनाही सतर्क करण्यात आले आहे. पोलीस पथक दोन्ही वाहनांचा शोध घेत आहे. सीमावर्ती भागात वाहनांची तपासणी अधिक तीव्र करण्यात आली आहे.
