‘पोन्नियिन सेल्वन’ मधील ‘ही’ भूमिका अनुष्का शेट्टीने नाकारलेली; MeToo मोहीमेमुळे अभिनेत्रीने घेतलेला निर्णय

‘पोन्नियिन सेल्वन २’ हा दूसरा भाग नुकताच चित्रपटगृहात प्रदर्शित झाला आहे. या चित्रपटात बॉलिवूड अभिनेत्री ऐश्वर्या राय ही नंदिनी या मुख्य भूमिकेत आहे. हीच भूमिका अनुष्का शेट्टीला देण्यात आली होती. केवळ एका मीटू चळवळीखातर अनुष्काने या भूमिकेवर पाणी सोडल्याचं नुकतंच स्पष्ट झालं आहे.

आणखी वाचा : Photos : बाहुबलीमधील ‘देवसेना’ आहे तरी कुठे? सलग फ्लॉप चित्रपट देणारी अनुष्का शेट्टी कमबॅक करणार का?

‘पिंकव्हीला’च्या रीपोर्टनुसार चित्रपटाचे गीतकार वैरामुथु यांच्यामुळे अनुष्काने हा चित्रपट करण्यास नकार दिला होता. असं म्हंटलं जातं की गेल्या बऱ्याच दिवसांपासून वैरामुथु यांच्यावर बऱ्याच मुलींनी यौन शोषणाचे आरोप केले होते. यामुळेच मीटू चळवळीशी संबंधीत एका आरोपी कलाकाराबरोबर काम करण्यास अनुष्का इच्छुक नव्हती. यामुळेच तिने या मोठ्या चित्रपटात काम करण्यास नकार दिला होता.

दरम्यान अनुष्काने चित्रपटासाठी जास्त मानधन मागीतल्याची चर्चासुद्धा होत होती. अद्याप अनुष्का किंवा तिच्या इतर सहकाऱ्यांपैकी कुणीही या गोष्टीची पुष्टी केलेली नाही. अनुष्कानंतर मणीरत्नम यांनी या भूमिकेसाठी ऐश्वर्या रायची निवड केली. गेल्यावर्षी प्रदर्शित झालेल्या ‘पीएस १’ या चित्रपटाने बॉक्स ऑफिसवर जबरदस्त कमाई केली होती, आता याच्या दुसऱ्या भागाकडूनही आणखी जबरदस्त कमाईची अपेक्षा केली जात आहे.