अजयच्या ‘भोला’ला दाक्षिणात्य चित्रपट ‘दसरा’देणार टक्कर; प्रदर्शित होण्याआधीच केला ‘हा’ विक्रम

काही दिवसांपूर्वी या चित्रपटाचा टीझर प्रदर्शित झाला होता. अनेकांना हा चित्रपट पुष्पासारखा वाटला. छोट्याश्या गावातील एक मुलगा त्याच्या लोकांसाठी संघर्ष करताना दिसला आहे. टीझरमध्ये दमदार डायलॉग आहेत. हा चित्रपट ३० मार्च रोजी प्रेक्षकांच्या भेटीला येणार आहे मात्र आधीच या चित्रपटाची तिकिटे विकली गेली आहेत. विशेष म्हणजे प्रेक्षक शो वाढण्यासाठी मागणी करत आहेत. त्यामुळे निर्मात्यांनी आता पहिला शो सकाळी ५ वाजता ठेवला असून शेवटचा शो मध्यरात्री ठेवला आहे.

“मला तिने रात्री…” प्रसिद्ध अभिनेते, भाजपा खासदार रवी किशन यांचा कास्टिंग काऊचबाबत धक्कादायक खुलासा

हा चित्रपट तेलंगणा व आंध्र प्रदेश या राज्यांमध्ये एकूण १३०० स्क्रीन्सवर दाखवण्यात येणार आहे. हा चित्रपट पहिल्याच दिवसापासून धमाका करणार अशी शक्यता वर्तवली जात आहे. तेलुगूच्या बरोबरीने हा चित्रपट तामिळ, कन्नड, मल्याळम आणि हिंदी भाषेत प्रदर्शित होणार आहे. विशेष म्हणजे अजय देवगणचा ‘भोला’ हा चित्रपटदेखील त्या दिवशी प्रदर्शित होणार आहे.

दरम्यान ‘दसरा’ चित्रपटाचे दिग्दर्शन श्रीकांत ओडेला यांनी केलं असून नानीच्या बरोबरीने कीर्ती सुरेश, संतोष नारायण हे अभिनेतेदेखील दिसणार आहेत. नानीच्या करियरमधला सर्वात हिट चित्रपट हा ठरू शकतो.