काय सांगता! सुंदर त्वचेसाठी तमन्ना भाटिया चेहऱ्यावर लावते स्वत:ची लाळ; म्हणाली, “हे खूपच…”

बॉलीवूड अभिनेत्री तमन्ना भाटियाने गेल्या काही वर्षांत तिच्या सुपरहिट आयटम गाण्यांनी एक वेगळा चाहता वर्ग निर्माण केला आहे. एका मुलाखतीमध्ये अभिनेत्रीने सांगितले की, लहान मुले तिचे गाणे पाहिल्याशिवाय जेवण करत नाहीत.

तमन्ना भाटिया अनेकदा तिच्या चमकदार त्वचेसाठी आणि फिटनेससाठी घरगुती उपाय शेअर करते. यावेळीही तिने असेच काहीतरी केले आहे. जेव्हा अभिनेत्रीला विचारण्यात आले की ती तिच्या चेहऱ्यावरील पिंपल्स बरे करण्यासाठी काय करते. याच्या उत्तरात अभिनेत्रीने सांगितले की ती लाळ लावून तिचे पिंपल्स बरे करते.

खरं तर, तमन्ना भाटिया नुकतीच लल्लनटॉपच्या शोमध्ये आली होती. या दरम्यान, अभिनेत्रीने तिच्या पिंपल्सवर उपचार करण्याचे रहस्य सांगितले, जे न्यूजरूममध्ये बसलेल्या लोकांना आवडले नाही. अभिनेत्रीने सांगितले की, जेव्हा जेव्हा तिला पिंपल्स येतात तेव्हा ती त्यावर तिची लाळ लावते आणि ते तिच्यासाठी खूप प्रभावी ठरले आहे. तमन्नाच्या या घरगुती पिंपल्स उपचाराबद्दल ऐकून तिच्या चाहत्यांना नक्कीच आश्चर्य वाटले असेल.

याशिवाय तमन्ना म्हणाली की, तिचे ‘आज की रात’ हे गाणे हिट झाल्यानंतर तिला अनेक लहान मुलांच्या आईचे मेसेज आले. त्यांनी सांगितले की त्यांची लहान मुले तिचे गाणे पाहिल्याशिवाय जेवत नाहीत. नंतर अभिनेत्रीने असेही स्पष्ट केले की, अशी काही लहान मुले आहेत ज्यांना गाण्याचे बोल समजत नाहीत. अशा परिस्थितीत, ते फक्त गाण्याचे संगीत एन्जॉय करतात जे चुकीचे नाही. तमन्ना भाटियाने चित्रपटसृष्टीतील तिच्या संघर्षाबद्दलही उघडपणे सांगितले. अभिनेत्रीची ही मुलाखत तिच्या चाहत्यांना आवडली आहे. या सगळ्याशिवाय, तमन्नाचे काही महिन्यांपूर्वी विजय वर्माबरोबर ब्रेकअप झाले आहे, ज्यामुळे ती खूप चर्चेत आहे.