अभिनेत्री रुपाली भोसले हिने अनेक मालिकांमधून वैविध्यपूर्ण भूमिका साकारून प्रेक्षकांच्या मनात एक वेगळं स्थान निर्माण केलं आहे. 'बड़ी दूर से आये है' या मालिकेतून घराघरात पोहोचली रुपाली सध्या 'आई कुठे काय करते' या मालिकेत काम करत आहे. या मालिकेतील तिच्या संजना या भूमिकेवर प्रेक्षक भरभरून प्रेम करताना पाहायला मिळत आहे. काही दिवसांपूर्वी रुपालीला 'विनाकारण राजकारण' या चित्रपटासाठी सर्वात्कृष्ट सहाय्यक अभिनेत्रीचा पुरस्कार मिळाला होता. हा पुरस्कार मिळाल्यानंतरची तिची भावना काय होती? याबाबत तिने सोशल मीडियावर भलीमोठी पोस्ट लिहिली होती. याचविषयी 'लोकसत्ता ऑनलाइन' बोलताना मात्र तिने एक खंत व्यक्त केली आहे. हेही वाचा - वडील होते सुपरस्टार, आई आहे प्रसिद्ध अभिनेत्री; ‘या’ चिमुकलीला ओळखलंत का? हेही वाचा – खलनायिकेची भूमिका साकारल्यामुळे कधी प्रेक्षकांचा वाईट अनुभव आला का? रुपाली भोसले म्हणाली, “मला खूप….” नुकतेच ‘आई कुठे काय करते’ या मालिकेतील अभिनेते मिलिंद गवळी आणि रुपाली भोसले ‘लोकसत्ता ९९९’ या कार्यक्रमात सहभागी झाले होते. यावेळी रुपालीला चित्रपटासाठी मिळालेल्या पहिल्या पुरस्काराविषयी विचारण्यात आलं. तेव्हा ती म्हणाली की, "'विनाकारण राजकारण' हा चित्रपटगृहात प्रदर्शित व्हावा आणि आम्हाला सगळ्यांना बघताना यावा. शिवाय स्वतःला मोठ्या पडद्यावर बघावं अशी खूप इच्छा होती. पण ते काही झालं नाही. दुर्दैवाने होतं ते आणि मी असेच असंख्य चित्रपट केलेत, पण जे आलेच नाहीत. ते का आले नाहीत? ते मला माहित नाही. 'विनाकारण राजकारण' या चित्रपटात मकरंद अनासपुरे, भार्गवी चिरमुले, पौर्णिमा अहिरे, विद्याधर जोशी असे बरेच कलाकार मंडळी आहेत. या सगळ्यांमध्ये सर्वोकृष्ट सहाय्यक अभिनेत्रीचा मला पुरस्कार मिळाला मी खूप आनंदी आहे." हेही वाचा – “अनिरुद्धच्या भूमिकेसाठी मी उत्साही नव्हतो”, मिलिंद गवळींनी सांगितलं ‘आई कुठे काय करते’ मालिका स्वीकारण्यामागचं खरं कारण, म्हणाले… दरम्यान, मराठी मालिकाविश्वातील रुपाली भोसले सध्या हे चर्चेत असणार नाव आहे. तिच्या सोशल मीडियावरील प्रत्येक पोस्ट नेहमी चर्चेचा विषय असतात. मालिका आणि चित्रपटाव्यतिरिक्त रुपाली ही 'बिग बॉस' मराठीच्या दुसऱ्या पर्वात झळकली होती.
