पाच वर्षांपूर्वीच झालं होतं दुसरं लग्न, सिद्धांत वीर सूर्यवंशीचा संसार अर्धवटच राहिला अन्…

आणखी वाचा – “माझ्या तीन जीवनावश्यक…” जिममध्ये व्यायाम करताना निधन झालेल्या सिद्धांत वीर सूर्यवंशीची ‘ती’ शेवटची पोस्ट व्हायरल

सिद्धांतच्या अचानक जाण्याने त्याच्या कुटुंबियांना मोठा धक्का बसला आहे. सिद्धांतचं पाच वर्षांपूर्वीच दुसरं लग्न झालं होतं. अलेसिया राऊत व सिद्धांतचा २०१७मध्ये विवाहसोहळा पार पडला. अलेसिया ही एक सुप्रसिद्ध रशियन मॉडेल, वीजे आहे. इतकंच नव्हे तर ‘खतरों के खिलाडी’च्या चौथ्या सीझनमध्येही तिने सहभाग घेतला होता. अलेसियाची आई रशियन आहे तर वडील भारतीय आहेत.

अलेसियाचंही हे दुसरं लग्न होतं. तिलाही आधी एक मुलगा आहे. तर सिद्धांतलाही एक मुलगी आहे. सिद्धांत-अलेसियाचं लग्न झाल्यानंतरही त्यांच्या मुलांबरोबर त्यांचं चांगलं नातं होतं. आजही ते नातं कायम आहे. पण आता सिद्धांतच्या अचानक जाण्याने दोघांच्या संसाराची सगळी स्वप्नं अपूर्ण राहिली आहेत.

आणखी वाचा – पहिल्या पत्नीला घटस्फोट, सह कलाकारासह अफेअर अन् रशियन मॉडेलसह थाटला होता नव्याने संसार; वैयक्तिक आयुष्यामुळे चर्चेत होता सिद्धांत सूर्यवंशी

फेब्रुवारी २०१६मध्ये जस्वीर कौर या त्यांच्या मित्रामुळे सिद्धांत-अलेसियाची भेट झाली. त्यानंतर सिद्धांत-अलेसियाच्या मैत्री झाली. मैत्रीचं रुपांतर प्रेमात झालं आणि या दोघांनी लग्न करण्याचा निर्णय घेतला. सिद्धांतनेच ‘बॉलिवूड लाईफ’ला दिलेल्या मुलाखतीमध्ये याचा खुलासा केला होता.