Video: ‘ही’ लोकप्रिय अभिनेत्री करणार ‘सारेगमप लिटिल चॅम्प्स’च्या आगामी पर्वाचं सूत्रसंचालन, प्रोमो समोर

‘सारेगमप’ या कार्यक्रमाच्या नवीन पर्वाचा एक प्रोमो नुकताच प्रदर्शित झाला. त्या प्रोमोतून या कार्यक्रमाचं परीक्षण कोण करणार हे समोर आलं होतं. संगीत दिग्दर्शक, गायक सलील कुलकर्णी आणि बॉलीवूडमधील आघाडीच्या गायकांपैकी एक मराठमोळी गायिका वैशाली भैसने-माडे सांभाळताना दिसणार आहेत. तर या दोघांबरोबरच या पर्वात सुरेश वाडकर हे एका खास भूमिकेत बघायला मिळणार आहेत. पण त्या प्रोमोमध्ये या कार्यक्रमाचे सूत्रसंचालन करताना कोण दिसणार हे दाखवण्यात आलं नव्हतं. त्यामुळे प्रेक्षकांना ते जाणून घेण्याची खूप उत्सुकता होती. आता ते गुपित उलगडलं गेलं आहे.

आणखी वाचा : गाण्याबरोबरच शिक्षणातही पुढे! प्रथमेश-मुग्धाची शैक्षणिक पार्श्वभूमी माहीत आहे? घ्या जाणून

हेही वाचा : ठरलं! ‘सारेगमप लिटिल चॅम्प्स’चं परीक्षण करणार बॉलीवूडमधील ‘ही’ आघाडीची गायिका, परीक्षकांची नावं समोर

या कार्यक्रमाचा पर्व प्रोमो नुकताच समोर आला. या नवीन प्रोमोमध्ये या आगामी परवाच्या सूत्रसंचालकाची झलक दिसली. त्यानुसार या आगामी पर्वाचं सूत्रसंचालन अभिनेत्री मृण्मयी देशपांडे करणार आहे. मृण्मयीने ‘सारेगमप लिटिल चॅम्प्स’च्या आधीच्या पर्वाचंही सूत्रसंचालन केलं होतं. तिच्या सूत्रसंचालनाला प्रेक्षकांची चांगली पसंती मिळाली होती. त्यामुळे आता पुन्हा एकदा तिला सूत्रसंचालकाच्या भूमिकेत पाहण्यासाठी तिचे चाहते उत्सुक झाले आहेत.