अभिनेत्री सुंबूल तौकीर खानचे वडील लवकरच दुसरं लग्न करणार आहेत. तिच्या वडिलांनी लग्न करण्याचा निर्णय घेतला असून खुद्द सुंबूलने ही आनंदाची बातमी दिली आहे. ती सहा वर्षांची असताना तिच्या पालकांचा घटस्फोट झाला होता. सुंबूलचे वडील तौकीर हसन खान यांनी दोन्ही मुलींचं संगोपन केलं आणि करिअरमध्ये पाठिंबा दिला. हेही वाचा - “मी रात्रभर…” कॅमेऱ्यांसमोर प्रसिद्ध अभिनेत्रीचा बॉयफ्रेंड असं काही म्हणाला की नेटकरी संतापले; म्हणाले… १९ वर्षीय सुंबूलचे वडील पुढच्या आठवड्यात लग्न करणार आहेत. 'ई-टाइम्स'च्या वृत्तानुसार, सुंबूलची धाकटी बहीण सानियाने तिच्या वडिलांना दुसऱ्या लग्नासाठी तयार केलंय. सुंबूलच्या होणाऱ्या दुसऱ्या आईचं नाव निलोफर आहे. तीही घटस्फोटित आहे व तिला एक मुलगी आहे. या लग्नासाठी सुंबूल व तिची बहीण खूप उत्साही आहेत. सुंबूलने वडिलांच्या दुसऱ्या लग्नाबद्दल तिच्या भावना व्यक्त केल्या. https://www.instagram.com/p/CsTiwTns6Ht/?utm_source=ig_web_copy_link&igshid=MzRlODBiNWFlZA== सुंबूल म्हणाली, "मी माझ्या वडिलांसाठी खूप आनंदी आहे. मी या दोघींचे माझ्या कुटुंबात स्वागत करते. फक्त आईच नाही तर तिच्यासोबत आम्हाला लहान बहीणही मिळत आहे. आम्ही सर्व उत्सुक आहोत. माझ्या वडिलांनी आम्हाला नेहमीच प्रेरणा दिली आहे. मी आणि माझी धाकटी बहीण बाबांसाठी खूप आनंदी आहोत. 'बिग बॉस १६' मध्ये मला भेटायला आलेले माझे मोठेबाबा इकबाल हुसैन खान यांनी या लग्नासाठी महत्त्वाची भूमिका बजावली आणि आम्ही त्यांचे आभारी आहोत." दरम्यान, सुंबूलचे वडील कविता लिहितात, तसेच ते मालिकांमध्ये नृत्यदिग्दर्शन करायचे. सुंबूल 'बिग बॉस'च्या घरात असताना तिचे वडील त्यांच्या वक्तव्यांमुळे खूप चर्चेत राहिले होते.
