Aishwarya And Avinash Narkar : मराठी कलाविश्वातील आदर्श जोडी म्हणून ऐश्वर्या व अविनाश नारकरांकडे पाहिलं जातं. मराठी नाटक, चित्रपट, मालिका अशा तिन्ही माध्यमांमधून या जोडीने कायम प्रेक्षकांचं मनोरंजन केलं. दोघेही सोशल मीडियावर कायम सक्रिय असतात. विविध ट्रेडिंग गाण्यांवर रील्स व्हिडीओ बनवणं याशिवाय या जोडप्याचं फोटोशूट सुद्धा इन्स्टाग्रामवर तेवढंच चर्चेत असतं. या दोघांनी नुकताच जोडीने एका तामिळ गाण्यावर जबरदस्त डान्स केला आहे. याचा व्हिडीओ अभिनेत्रीने इन्स्टाग्रामवर शेअर केला आहे.
ऐश्वर्या व अविनाश नारकर यांच्यासह या व्हिडीओमध्ये अभिनेत्री अश्विनी कासारने देखील जबरदस्त एनर्जीसह डान्स केला आहे. हे तिघे मिळून सध्या ट्रेंडिग असणाऱ्या तामिळ गाण्यावर थिरकले आहेत. ‘Sawadeeka’ असं या गाण्याचं नाव असून हे गाणं अनिरुद्ध रविचंदर, अँथनी दासन आणि अरिवू यांनी गायलं आहे. ‘विदामुयार्ची’ या तामिळ चित्रपटातलं हे गाणं आहे.
ऐश्वर्या व अविनाश नारकर यांनी अश्विनी कासारसह ‘Sawadeeka’ गाण्यावर तुफान एनर्जीसह डान्स करत असल्याचं पाहायला मिळत आहे. या व्हिडीओला अभिनेत्रीने “२०२५ मध्ये एकत्र धमाल करताना…” असं कॅप्शन दिलं आहे. या तिघांची धमाल पाहून एका मराठी अभिनेत्रीने या व्हिडीओवर खास कमेंट केली आहे.
अभिनेत्री आकांक्षा गाडेने या व्हिडीओवर, “अरे हा ग्रुप कसा जॉईन करायचा. मला लाँच करा प्लीज तुमच्या रील्समध्ये…” अशी कमेंट करत या तिघांचं कौतुक केलं आहे. यावर अविनाश नारकरांनी आकांक्षाला “अगं… यु आर मोस्ट वेलकम डीअर” असा रिप्लाय दिला आहे. याशिवाय अन्य नेटकऱ्यांनी या जोडप्याचं भरभरून कौतुक केलं आहे.
दरम्यान, ऐश्वर्या व अविनाश नारकर यांच्या कामाबद्दल सांगायचं झालं, अभिनेते सध्या ‘स्टार प्रवाह’च्या ‘लग्नानंतर होईलच प्रेम’ या मालिकेत महत्त्वाची भूमिका साकारत आहेत. तर, ऐश्वर्या नारकरांची महत्त्वाची भूमिका असलेली ‘सातव्या मुलीची सातवी मुलगी’ या मालिकेने काही दिवसांपूर्वीच प्रेक्षकांचा निरोप घेतला. आता अभिनेत्री येत्या काळात कोणत्या प्रोजेक्टमध्ये झळकणार हे पाहणं महत्त्वाचं ठरणार आहे.
