Bigg Boss 17: अंकिता लोखंडेने पती विकी जैनला सर्वांसमोर फेकून मारली चप्पल, नेमकं काय घडलं?

‘बिग बॉस १७’ च्या या एपिसोडमध्ये, अंकिता लोखंडे रागाच्या भरात पतीवर संतापल्याचं पाहायला मिळालं. कारण तिने पती विकी जैनला घरातील इतर लोकांसमोर खोटं बोलताना पकडलं. झालं काय तर मुनव्वर फारुकी ‘दिमाग का घर’मध्ये राहणाऱ्या विकीने त्याचे जेवण ईशा मालवीय आणि इतरांसोबत शेअर केले की नाही असं विचारतो. यावर ‘दिल का घर’मध्ये राहणारी ईशा मुनव्वरला म्हणाली की ‘दम का घर’मधील खानजादीने ‘दिमाग का घर’मधील सदस्यांनी बनवलेले अन्न खाल्ले होते. मात्र, विकी आणि खानजादी ईशाचा दावा फेटाळतात. याचदरम्यान अंकिता लोखंडे तिथे पोहोचते.

विवाहित असून प्रेमात पडले, काहींनी पहिल्या पत्नीला सोडून लग्नंही केली पण अखेर त्यांच्याकडेच परतले ‘हे’ सेलिब्रिटी

१७ वर्षांचा भाऊ गमावला, उदरनिर्वाहासाठी शेंगदाणे विकले; ३३ वर्षे चाळीत राहणाऱ्या अभिनेत्याने सांगितल्या जुन्या आठवणी

अंकिताला पूर्ण प्रकरण कळाल्यानंतर तिने खुलासा केला की तिने खानजादीला दिमाग का घरमधील सदस्यांचे जेवण खाताना पाहिलं होतं. यानंतर विकी मस्करी करत अंकिताची मान मागून पकडून तिला ओढतो. अंकिताने विकीला दूर ढकलण्याचा प्रयत्न केला असता विकीने तिला मागून पकडून तिचा हात धरला. या मस्करीदरम्यान अंकिता विकीला मारण्यासाठी त्याच्या मागे धावली, पण तो न थांबल्याने अंकिताने तिची चप्पल काढली आणि गमतीत विकीला मारली.

“मी सुशांतच्या अंत्यसंस्कारालाही गेले नव्हते”, अंकिता लोखंडेचा खुलासा; म्हणाली, “विकी म्हणाला होता की…”

दरम्यान, या एपिसोडमध्ये विकी जैनने सनाचा हात पडकल्याचं पाहायला मिळालं. यामुळे विकीला प्रेक्षकांनी ट्रोल केल्याचं पाहायला मिळालं.