Bigg Boss Marathi Arbaz Patel Elimination : ‘बिग बॉस मराठी’च्या घरातून नुकताच अरबाज पटेल एलिमिनेट झाला. गेल्या आठवड्यात वर्षा, सूरज, निक्की, जान्हवी आणि अरबाज असे एकूण पाच सदस्य घरातून बेघर होण्याच्या प्रक्रियेसाठी नॉमिनेट झाले होते. यापैकी सर्वात कमी मतं मिळाल्याने अरबाजला या घराचा निरोप घ्यावा आहे.
अरबाज घराबाहेर झाल्यावर नेटकऱ्यांकडून कमेंट्सचा पाऊस पाडण्यात आला. तो पहिल्या दिवसापासून निक्कीबरोबर खेळत असल्याने प्रेक्षकांमध्ये अरबाजबद्दल प्रचंड नाराजी निर्माण झाली होती. अखेर अरबाज पटेल एलिमिनेट झाल्यावर नेटकऱ्यांनी कमेंट्स करत, मीम्स बनवत आनंद व्यक्त करण्यास सुरुवात केली. यासंदर्भात अनेक मराठी कलाकारांनी सुद्धा प्रतिक्रिया देत अरबाजच्या बाहेर जाण्यासाठी निक्कीला जबाबदार ठरवलं आहे.
हेही वाचा : अरबाज झाला Eliminate! निक्की ढसाढसा रडली…; Bigg Boss Marathi च्या इतिहासात पहिल्यांदाच घडली ‘ही’ गोष्ट
सुरेखा कुडची यांची पोस्ट
बिग बॉस मराठीच्या तिसऱ्या पर्वात सहभागी झालेल्या लोकप्रिय अभिनेत्री सुरेखा कुडची यासंदर्भात लिहितात, “अरबाज घराबाहेर पडल्याचा आनंद बऱ्याच लोकांना झाला असला तरी, मला वाटतं निक्की जायला हवी होती… निक्की फक्त अरबाजच्या जीवावर नाचत होती… अरबाजच चांगला खेळत होता… राग, चिडचिड हे सगळं त्या घरात होतंच. पण, तो चुकला ते… निक्कीच्या नादी लागून”
हेही वाचा : Bigg Boss Marathi – “बिग बॉसने निक्कीला गुलीगत धोका…”, अरबाज Eliminate झाल्यावर नेटकऱ्यांकडून कमेंट्सचा पाऊस; वाचा भन्नाट प्रतिक्रिया
दरम्यान, सुरेखा कुडची यांच्या पोस्टवर नेटकऱ्यांनी विविध प्रतिक्रिया दिल्या आहेत. “अरबाज निक्कीचा बैल होता”, “अरबाजने कधीच कोणाचा अपमान केला नाही… खरंच निक्की जायला पाहिजे होती बाहेर”, “सुरेखाताई तुम्ही म्हणता ते बरोबर आहे पण, अरबाज गेला तेही चांगलं आहे”, “एकदम बरोबर सुरेखा ताई” अशा कमेंट्स त्यांच्या या पोस्टवर आल्या आहेत.
दरम्यान, अरबाज पटेल घरातून एलिमिनेट झाल्यावर निक्की घरात ढसाढसा रडत होती. जवळचा मित्र बाहेर गेल्याने ती पूर्णपणे बिथरल्याचं पाहायला मिळालं. आता इथून पुढचा खेळ निक्की कसा खेळणार याकडे सर्वांचं लक्ष लागलं आहे. तसेच अरबाज घराबाहेर आल्यावर त्याच्या प्रवासाविषयी काय बोलणार याबद्दल देखील सर्वांच्या मनात उत्सुकता निर्माण झाली आहे.
