Video: डेटवर जाण्यासाठी नकार, पण नंतर…; गौतमी देशपांडे आणि स्वानंद तेंडुलकरची फिल्मी लव्हस्टोरी

नुकताच अभिनेत्री गौतमी देशपांडेने लग्नसोहळ्याचा एक व्हिडीओ शेअर केला आहे. ज्यामध्ये मेहंदीपासून ते सप्तपदीपर्यंतचे खास क्षण पाहायला मिळत आहे. महत्त्वाचं म्हणजे या व्हिडीओत गौतमी- स्वानंद कशी त्यांची लव्हस्टोरी सुरू झाली हे सांगत आहेत. कोणी-कोणाला पहिलं प्रपोज केलं? एकमेकांना भेटल्यानंतर मैत्रीचं रुपांतर कसं प्रेमात झालं? असं सर्व काही गौतमी-स्वानंद या व्हिडीओत सांगताना दिसत आहेत.

हेही वाचा – मुक्ता-सागरच्या लग्नामुळे ‘प्रेमाची गोष्ट’ मालिका ठरली नंबर १, जाणून घ्या टॉप १० मालिका

व्हिडीओच्या सुरुवातीला स्वानंद म्हणतो, “खूप प्रामाणिकपणे सांगतो. मुळातच मला ती बघूनच आवडली होती. तिला मी हे सांगितलं नाही. आता मी ही गोष्ट सांगतोय. तिला मी विचारलं होतं, मी डेट करू शकतो का? ती मला म्हणाली, नाही.” त्यानंतर गौतमी म्हणते, “थोडीशी मैत्री वाढली, बोलणं वाढलं. त्याच्यानंतर मला तो जास्त आवडायला लागला आणि मला नंतर कळलं की, हे सगळं मस्त चाललंय. छान आहे हे सगळंच. खूप गोड आहे.”

दरम्यान, गौतमी-स्वानंदच्या कामाबद्दल बोलायचं झालं तर, ‘माझी होशील ना’ या मालिकेनंतर सध्या ती ‘गालिब’ या नाटकात काम करत आहे. या नाटकामध्ये तिच्याबरोबर अभिनेता विराजस कुलकर्णी पाहायला मिळत आहे. तसंच गौतमीचा नवरा स्वानंद हा मराठीमधलं पहिलं डिजिटल चॅनेल ‘भाडिपा’चा बिझनेस हेड आहे. शिवाय तो सोशल मीडियावर मजेशीर व्हिडीओ करत असतो.