Video: ‘महाराष्ट्राची हास्यजत्रा’ फेम अभिनेत्याने लग्नाच्या वाढदिवसानिमित्ताने बायकोला दिलं खास सरप्राइज; व्हिडीओ शेअर करत म्हणाला, “तुझ्या…”

अभिनेता, दिग्दर्शक प्रसाद खांडेकरने लग्नाच्या वाढदिवसाच्या सरप्राइजचा व्हिडीओ शेअर करत एक पोस्ट लिहिली आहे. प्रसादने शेअर केलेल्या व्हिडीओमध्ये तो बायकोचे डोळे झाकून सरप्राइज देताना पाहायला मिळत आहे. अभिनेत्याने लग्नाच्या वाढदिवसानिमित्ताने बायकोला स्कूटी गिफ्ट केली आहे. याचा व्हिडीओ शेअर करत प्रसादने लिहिलं आहे, “अल्पा लग्नाच्या वाढदिवसाच्या खूप शुभेच्छा…पहिली एकांकिका ते पहिला चित्रपट या संपूर्ण प्रवासात तुझी साथ आहे…तुझ्या संगतीशिवाय हे अजिबात शक्य नव्हतं आणि शक्य होणार ही नाही…आज लग्नाचा दहावा वाढदिवस अजून खूप दशक पार करायची आहेत…बाकी माझी तब्येत, माझं शेड्यूल या बाबतीतल्या तुझ्या तक्रारी लवकरच सोडवेन…”

हेही वाचा – “…तर मला वाटतं मी अभिनयाचं दुकानचं बंद केलं पाहिजे”, अभिनेते उपेंद्र लिमये यांचं वक्तव्य

पुढे प्रसादने लिहिलं आहे, “तुला नेहमी मी सरप्राइज द्यावं असं वाटतं, पण मला एवढं कोळून प्यायली आहेस की मी काय सरप्राइज देणार आहे हे तू आधीच ओळखतेस. त्यामुळे ते सरप्राइज राहतच नाही…पण मला खात्री आहे आजच हे स्पेशल सरप्राइज तू नक्कीच गेस (Guess) केलं नसशील…हा आनंद आणि हे प्रेम असंच वाढत राहू दे…अप्पू…शेवटी माझं आवडत गाणं तुझ्यासाठी…आपकी मंज़िल हूँ मैं…मेरी मंज़िल आप हैं…क्यों मैं तूफाँ से डरूँ…मेरा साहिल आप हैं…कोई तूफानों से कह दे…मिल गया साहिल मुझे…आय लव्ह यू अल्पा आणि लग्नाचा वाढदिवसाच्या शुभेच्छा…”

दरम्यान, प्रसादच्या या पोस्टवर कलाकार मंडळींसह चाहत्यांनी लग्नाच्या वाढदिवसाच्या शुभेच्छा दिल्या आहेत. समीर चौघुले, माधव देवचक्के, रसिका वेंगुर्लेकर अशा अनेक कलाकारांनी प्रसाद आणि त्याच्या बायकोला शुभेच्छा दिल्या आहेत.