शरद पोंक्षेंची मुलगी झाली वैमानिक; म्हणाले, “कोणतीही सवलत,आरक्षण नसताना…”

शरद पोंक्षे यांनी यांची मुलगी सिद्धी वैमानिक होण्याचे शिक्षण घेण्यासाठी परदेशात गेली होती. आता नुकतंच तिने तिचे शिक्षण पूर्ण केले आहे. तसेच ती वैमानिकही झाली आहे. नुकतंच शरद पोंक्षे यांनी याबद्दल एक पोस्ट शेअर केली आहे.
आणखी वाचा : “पुरूषांची जात…”, मणिपूरमध्ये दोन महिलांची नग्न धिंड काढल्याप्रकरणी सोनाली कुलकर्णीची संतप्त पोस्ट, म्हणाली…

“कु सिध्दी शरद पोंक्षे आज पायलट झाली. ईयत्ता ४ पासून तिने पाहीलेलं स्वप्न पुर्ण झालं. अत्यंत खडतर परीस्थितीतून,माझं आजारपण,कोरोना, लॉकडाऊन, आर्थिक स्थिती बिकट हे सगळे अडथळे पार करत.कोणतीही सवलत,आरक्षण नसताना केवळ मेहनत ,बुध्दीमत्ता ,परिश्रम व निष्ठा ह्या जोरावर ती पायलट झाली.बापाला आणखी काय हव नाही का? आज अभिमान अभिमान फक्त अभिमान वाटतोय तूझा सिध्दी.मोठी हो पुढे देशाची सेवा कर. उत्तम सेवा दे.करशिलच खात्रीच आहे. लव यू बाळा”, असे शरद पोंक्षेंनी म्हटले आहे.

आणखी वाचा : Video : ‘ठिपक्यांची रांगोळी’ मालिकेला रामराम केल्यानंतर शरद पोंक्षे दिसणार नव्या भूमिकेत, पहिली झलक समोर

दरम्यान सिद्धीने यशाची ही पायरी चढल्यानंतर अनेकांनी तिला शुभेच्छा दिल्या आहेत. सिद्धी पोंक्षे ही लहानपणापासूनच शालेय शिक्षणात हुशार होती. बारावीमध्ये असताना तिने विज्ञान शाखेत ८७ टक्के गुण मिळवले होते. त्यानंतर आता सिद्धीही वैमानिक झाली आहे.