मराठी सिनेसृष्टीतील आघाडीची अभिनेत्री म्हणून सोनाली कुलकर्णीला ओळखले जाते. ती कायमच विविध कारणांमुळे चर्चेत असते. मराठी सिनेसृष्टीची अप्सरा म्हणून ती घराघरात प्रसिद्ध आहे. सोनाली ही कायमच तिच्या खासगी आयुष्यामुळे चर्चेत असते. काही दिवसांपूर्वी सोनालीने तिच्या पहिल्या रिलेशनशिपबद्दल भाष्य केले होते.
सोनाली कुलकर्णीने काही महिन्यांपूर्वी दिलेल्या एका मुलाखतीत कॉलेजबद्दलच्या आठवणींना उजाळा दिला. यावेळी तिने तिच्या पहिल्या रिलेशनबद्दल मोठा खुलासा केला. विशेष म्हणजे ती त्या व्यक्तीबरोबर ५ वर्ष रिलेशनमध्ये होती, असा खुलासाही तिने केला.
आणखी वाचा : “…आणि आजही मी त्यावर ठाम”, अमृता खानविलकरने सोनाली कुलकर्णीबद्दल मांडलेले थेट मत, म्हणालेली “आम्ही मैत्रिणी…”
“मी कॉलेजमध्ये असताना माझ्या एका सिनियरला प्रपोज केलं होतं. त्यावेळी मला असं वाटलं होतं की तो मला प्रपोज करेल पण त्याने मला प्रपोज केलं नाही. त्यामुळे मीच त्याला प्रपोज केलं. तो मला हो म्हणाला. आम्ही फार वेळ एकत्र घालवला होता. मी आणि तो पाच वर्ष रिलेशनशिपमध्ये होतो.
ते माझं पहिलं रिलेशनशिप होतं, जे बराच काळ टिकलं आणि ते पहिलं सिरीयस रिलेशन होतं. पण पाच वर्षानंतर आमचा ब्रेकअप झाला”, असे सोनाली कुलकर्णी म्हणाली.
दरम्यान सोनाली कुलकर्णीने करोना काळात कुणाल बेनोडेकरबरोबर लग्नगाठ बांधत नव्या आयुष्याला सुरुवात केली. करोना संपल्यानंतर त्या दोघांनी अगदी थाटामाटात लग्नही केले होते. त्या दोघांचे अनेक फोटो आणि व्हिडीओ सोनाली शेअर करताना दिसते.
