अभिनेता शशांक केतकरच्या लाडक्या लेकाला पाहिलंत का? फोटो होतोय व्हायरल

अभिनेता शशांक केतकरला २१ डिसेंबर २०२० रोजी मुलगा झाला; ज्याचं नाव ऋग्वेद आहे. अजूनपर्यंत शशांकने ऋग्वेदला सगळ्यांसमोर आणलं नाही. त्याने सोशल मीडियाच्या जगापासून ऋग्वेदला लांब ठेवलं होतं. पण आता शशांकचा लाडका लेक सोशल मीडियाच्या जगात नुकताच आला आहे. त्याचं एक वेगळं कौशल्य पाहायला मिळत आहे.

हेही वाचा – Bigg Boss 18 : गुणरत्न सदावर्ते अचानक ‘बिग बॉस १८’च्या घराबाहेर? नेमकं काय घडलं, जाणून घ्या

काही दिवसांपूर्वी शशांक केतकरनं आपल्या लाडक्या लेकाचं सोशल मीडियावर अकाउंट उघडल्याचं जाहीर केलं. कारण साडे तीन वर्षांचा ऋग्वेद खूप छान फोटो काढतो. त्याच्या याच कलेला वाव देण्यासाठी शशांकने ऋग्वेदचं इन्स्टाग्रामवर अकाउंट उघडलं आहे. या अकाउंटवर ऋग्वेदने काढलेले सुंदर फोटो शेअर करण्यात येत आहेत.

नुकताच शशांकने ऋग्वेदचा एक फोटो शेअर केला आहे. या फोटोमध्ये ऋग्वेद बाबा शशांकचा फोटो काढताना दिसत आहे. पण, यामध्ये मोबाइलच्या मागे ऋग्वेदचा चेहरा लपलेला आहे. हा फोटो शेअर करत शशांकने कॅप्शनमध्ये लिहिलं आहे, “मी – आईला विचारलंस? फोन घेऊ का? ऋग्वेद – नाही…बाबा स्माइल कर…”

हेही वाचा – Bigg Boss 18 : गुणरत्न सदावर्तेंनी सांगितली त्यांच्या ‘प्रेमाची गोष्ट’, जोरजोरात ओरडत म्हणाले, “जयश्री आय लव्ह यू”

दरम्यान, ऋग्वेदच्या फोटोवर इतर कलाकार मंडळींसह शशांकच्या चाहत्यांनी भरभरून प्रतिक्रिया दिल्या आहेत. “गोड”, “खूप गोड”, “छान”, “ऋग्वेद लय भारी”, “आता तरी चेहरा दाखवं…उत्सुकता शिगेला पोहोचली आहे”, अशा प्रतिक्रिया चाहत्यांच्या उमटल्या आहेत.

हेही वाचा – Bigg Boss 18 : गुणरत्न सदावर्ते ‘बिग बॉस’मधील १७ सदस्यांवर पडले भारी, जेलमध्ये न जाण्यासाठी काय-काय केलं? जाणून घ्या…

शशांक केतकरच्या कामाबद्दल बोलायचं झालं तर नाटक, मालिका, चित्रपटाच्या आणि वेब सीरिज या चार माध्यमांमध्ये त्याने आपल्या अभिनयाचा ठसा उटवला आहे. मराठीसह हिंदीत आता तो खूप सक्रिय झाला आहे. गेल्या काही महिन्यांपासून त्याचे लागोपाठ हिंदी प्रोजेक्ट केले आहेत. ‘तेलगी स्कॅम २००३’, ‘शोटाइम’नंतर ‘गुनाह’ हा त्याचा नवा वेब शो काही महिन्यांपूर्वी प्रदर्शित झाला. या वेब शोमध्ये शशांकसह अभिनेता गश्मीर महाजनी प्रमुख भूमिकेत झळकला होता.