Video : रेवाचं सत्य अक्षय सर्वांसमोर आणणार का? ‘मुरांबा’ मालिकेत येणार नवीन वळण; ‘या’ दिवशी असेल महाएपिसोड

या सगळ्या आव्हानांनंतर आता मालिकेने वेगळंच वळण घेतल्याचं पाहायला मिळत आहे. सध्या मुकादम कुटुंबाच्या घरी गणपती बाप्पा येण्याची लगबग सुरु झाली आहे.याच पार्श्वभूमीवर आता मालिकेत नवीन ट्वीस्ट आला आहे. मालिकेचा नवा प्रोमो नुकताच स्टार प्रवाह वाहिनीने इन्स्टाग्राम अकाउंटवरुन शेअर केला आहे. गणपतीच्या येण्याने रमा आणि अक्षय यांच्या नात्यातील दुरावा नाहीसा होणार असल्याचं दिसून येत आहे. या प्रोमोमध्ये पाहायला मिळत आहे की, सणाच्या निमित्ताने मुकादम कुटुंबियांमध्ये उत्साहाचं वातावरण निर्माण झालं आहे. ढोल ताशांच्या आवाजात बाप्पाचं स्वागत करताना रेवा अक्षयला म्हणते की, “आपण जोडीने गणपतीची पुजा करुयात”. मात्र तिच्या या बोलण्यावर अक्षय काहीच बोलत नाही.

हेही वाचा- Video : “गणबाई मोगरा…”, ‘लाखात एक आमचा दादा’ मालिकेतील कलाकारांचा जबरदस्त डान्स, मराठी लोकगीतावर थिरकले

हेही वाचा- Video: ‘नवरी मिळे हिटलरला’ फेम अभिनेत्याचं व्यवसाय क्षेत्रात पदार्पण, गणेश चतुर्थीच्या मुहूर्तावर चाहत्यांना दिली आनंदाची बातमी

यादरम्यान गणपतीचं घरात आगमन होत असताना रमा अक्षयला मूर्ती सावरायला मदत करण्यासाठी रमा पुढे येते. तेव्हा अक्षय मनातल्या मनात म्हणतो की, “आता जोडीने दर्शन झालं”. त्यानंतर गणपतीसमोर हात जोडत अक्षय म्हणतो की, “तुला तर माहितच आहे ना ? हे सगळं मी का करतोय ते ? रमाने कणखर व्हावं आणि रेवाचं सत्य बाहेर यावं यासाठी या हे नाटक मी करतोय”. या प्रोमोमधून हे स्पष्ट झालं आहे की, रेवाने घडवून आणलेल्या अपघातात अक्षयची स्मृती गेली नसून त्याने काहीच आठवत नसल्याचं नाटक केलं होतं. रेवाचा विश्वास जिंकत बेसावध क्षणी तिला तिच्या सगळ्या पापांची शिक्षा मिळावी, यासाठी अक्षयने एवढं मोठं पाऊल उचललं असल्याचं समोर आलं आहे. मालिकेचा हा महत्त्वाचा भाग येत्या ८ सप्टेंबरला दुपारी २ आणि संध्याकाळी ७ वाजता पाहायला मिळणार आहे. गणपतीच्या शुभाशीर्वाद रमा आणि अक्षयच्या नात्यातील रेवा नावाचं संकट दूर होणार का ?, हे येत्या ८ सप्टेंबरला पाहता येणार आहे.