दर आठवड्याला मालिकांचा टीआरपी रिपोर्ट येत असतो. ऑनलाईन टीआरपी आणि टेलिव्हिजन टीआरपी अशा दोन प्रकारचे रिपोर्ट येतात. सध्या टीआरपी हा अत्यंत महत्त्वाचा झाला आहे. कारण आजकाल टीआरपीच्या गणितावरच मालिका अधिक काळासाठी सुरू ठेवायची की नाही? हे ठरवलं जातं. गेल्या काही महिन्यांपासून अशा अनेक मालिका बंद करण्यात आल्या आहेत, ज्यांचा टीआरपी चांगला नव्हता. त्यामुळे या टीआरपीच्या शर्यतीत टिकून राहण्यासाठी वाहिन्यांकडून सातत्याने प्रयत्न सुरू असतात.

गेल्या आठवड्याचा टीआरपी रिपोर्ट समोर आला आहे. नेहमीप्रमाणे टॉप-१०मध्ये ‘स्टार प्रवाह’च्या मालिका आहेत. पण विशेष म्हणजे ‘झी मराठी’ वाहिनीच्या नव्या मालिका जुन्या मालिकांवर वरचढ झाल्याचं चित्र पाहायला मिळत आहे. काही महिन्यांपूर्वी ‘झी मराठी’वर सुरू झालेल्या नव्या मालिकांचा टीआरपी वाढलेला दिसत आहे.

आणखी वाचा
Partnership between billboard owners and officials in advertisement MNS allegation
जाहीरात फलक मालक आणि अधिकाऱ्यांमध्ये भागीदारी, मनसेच्या आरोपामुळे खळबळ
Loksatta Documentary Discovery channel David Attenborough Director
आम्ही डॉक्युमेण्ट्रीवाले: ‘पाहण्या’च्या पर्यायांत दिशादर्शक…
Ambani wedding, ambani son wedding,
अंबानींच्या लग्नात बॉम्ब ठेवल्याच्या सोशल मीडियावरील पोस्टने यंत्रणा सतर्क
cyber crime
निवृत्त अधिकाऱ्याच्या खात्यातून अचानक १ लाख ३५ हजार अन्य खात्यात ….फसवणूक प्रकरणी गुन्हा दाखल 
What to do if water enters the petrol tank of a bike
पावसाळ्याच्या दिवसात बाईकच्या पेट्रोलच्या टाकीत पाणी शिरल्यास काय कराल? ‘या’ ट्रिक्स येतील कामी
Drug inspector arrested for asking bribe to open drug shop in Kalyan
कल्याणमध्ये औषध दुकान सुरू करण्यासाठी लाच मागणारा औषध निरीक्षक अटकेत
do you know Virat Kohli Diet plan
Virat Kohli Diet : विराट कोहलीचा डाएट प्लॅन माहितीये का? जाणून घ्या टी-२० विश्वचषक मालिकेतील त्याच्या फिटनेसचे रहस्य
bmc commissioner order to use small size of vehicles for action against unauthorized hawkers
अनधिकृत फेरीवाल्यांविरोधतील कारवाई : अतिक्रमण निर्मूलनासाठी लहान आकाराची वाहने घ्यावी, महानगरपालिका आयुक्तांचे आदेश

हेही वाचा – Video: ‘हीरामंडी’तील लोकप्रिय गाण्यावर मनमोहक अदाकारी करणारी ‘ही’ मराठमोळी अभिनेत्री कोण? ओळखा पाहू

‘मराठी टीआरपी तडका’ या इन्स्टाग्राम पेजवर गेल्या आठवड्याचा टीआरपी रिपोर्ट शेअर करण्यात आला आहे. यामध्ये ‘झी मराठी’च्या नव्या मालिका ‘पारू’, ‘शिवा’, ‘नवरी मिळे हिटलरला’ या मालिकांनी जुन्या मालिकांना मागे टाकल्याचं पाहायला मिळत आहे. अभिनेत्री शरयू सोनावणे व अभिनेता प्रसाद जवादे यांची प्रमुख भूमिका असलेली ‘पारू’ मालिका टीआरपीच्या यादीत १५व्या स्थानावर असून २.७ रेटिंग मिळाले आहेत. तसेच अभिनेत्री पूर्वा फडके व अभिनेता शाल्व किंजवडेकर मुख्य भूमिका असलेली ‘शिवा’ मालिका १९व्या स्थानावर आहे. या मालिकेला २.४ रेटिंग मिळाले आहे. त्याच्याच खालोखाल ‘नवरी मिळे हिटलरला’ मालिका आहे.

अभिनेता राकेश बापट व अभिनेत्री वल्लरी विराज यांची प्रमुख भूमिका असलेली ‘नवरी मिळे हिटलरला’ मालिका २०व्या स्थानावर असून २.४ रेटिंग मिळाले आहे. त्यानंतर ‘तुला शिकवीन चांगलाच धडा’, ‘सातव्या मुलीची सातवी मुलगी’ या मालिका आहेत. ‘तुला शिकवीन चांगलाच धडा’ मालिकेचा टीआरपी घसरला असून ‘सातव्या मुलीची सातवी मुलगी’ मालिकेचा टीआरपी स्थिर आहे.

हेही वाचा – Video: ‘पिरतीचा वनवा उरी पेटला’ मालिकेत जबरदस्त वळण, खोट्या अर्जुन मागचा मास्टमाईंड आहे ‘हा’ चेहरा

टॉप-१० मालिका

१) ठरलं तर मग
२) लक्ष्मीच्या पाऊलांनी
३) प्रेमाची गोष्ट
४) तुझेच मी गीत गात आहे
५) घरोघरी मातीच्या चुली
६) सुख म्हणजे नक्की काय असतं
७) साधी माणसं
८) प्रेमाची गोष्ट – महाएपिसोड
९) घरोघरी मातीच्या चुली – महाएपिसोड
१०) अबोली