मराठमोळी अभिनेत्री सुरुची अडारकर नुकतीच विवाहबंधनात अडकली. सुरुचीने अभिनेता पियुष रानडेबरोबर लग्नगाठ बांधत नव्या आयुष्याला सुरुवात केली. तिच्या लग्नाचे, हळदीचे आणि मेहंदीचे फोटो तिने पोस्ट केले होते. आता तिने तिच्या लग्नाची झलक दाखवणारा एक व्हिडीओ पोस्ट केला आहे. ‘का रे दुरावा’ या मालिकेमुळे घराघरात पोहोचलेली सुरुचीने बुधवारी ६ डिसेंबरला गुपचूप लग्नगाठ बांधली. त्यानंतर तिने सोशल मीडियावर फोटो शेअर करत याबद्दलची माहिती सर्वांना दिली. आता तिने इन्स्टाग्रामवर एक व्हिडीओ शेअर केला आहे. या व्हिडीओद्वारे तिने सर्वांचे आभार मानले आहेत.आणखी वाचा : मराठमोळा अभिनेता पियुष रानडे तिसऱ्यांदा अडकला लग्नबंधनात, अभिनेत्री सुरुची अडारकरबरोबर घेतल्या सप्तपदी सुरुचीने शेअर केलेल्या या व्हिडीओत ती नववधूच्या रुपात पाहायला मिळत आहे. तर पियुषही यावेळी वराच्या रुपात दिसत आहे. यात सुरुची ही पियुषच्या हातात कंकण बांधत असल्याचे पाहायला मिळत आहे. त्यानंतर ते दोघेही सप्तपदी घेताना दिसत आहेत. यानंतर पियुष हा सुरुचीच्या गळ्यात मंगळसूत्र घालतानाही यात पाहायला मिळत आहे. यावेळी ते दोघेही फार आनंदात असल्याचे दिसत आहे. त्यांच्या या व्हिडीओला चाहत्यांचा चांगला प्रतिसाद मिळत आहे. आणखी वाचा : पियुष रानडेबरोबर लग्नगाठ बांधल्यानंतर सुरुची अडारकरची पहिली प्रतिक्रिया, म्हणाली… दरम्यान सुरुची अडारकरचे हे पहिलं लग्न आहे. तर पियुष रानडेचे हे तिसरे लग्न आहे. याआधी तो अभिनेत्री शाल्मली टोळ्ये आणि मयुरी वाघ यांच्याशी लग्नबंधनात अडकला होता. मात्र, लग्नाच्या काही वर्षातच त्यांचा घटस्फोट झाला.
