Video : “आता शिक्षेला…”, वसुंधरा व तनयाला जलसमाधी घ्यावी लागणार; ‘पुन्हा कर्तव्य आहे’मध्ये काय घडणार?

वसुंधरा व तनयाला जलसमाधी घ्यावी लागणार

झी मराठी वाहिनीने सोशल मीडियावर ‘पुन्हा कर्तव्य आहे’ मालिकेचा एक प्रोमो शेअर केला आहे. या प्रोमोमध्ये पाहायला मिळते की, जयश्री गुरुमातेला म्हणते, “गुरुमाता भोजनास सुरुवात करावी”, जयश्रीच्या बोलण्यानंतर गुरुमाता जेवायला सुरुवात करते. मात्र, पहिलाच घास घेतल्यानंतर गुरुमाता रागाने वसुंधराला म्हणते, “माझं इतक्या वर्षांचं व्रत एका क्षणात मोडलंस, अगं, माझ्या जेवणात लसूण आहे.” गुरुमातेचे हे बोलणे ऐकल्यानंतर तनया म्हणते, “तिने माझ्यासमोर भाजीत लसूण घातलाय.” त्यानंतर गुरुमाता वसुंधराकडे बघत म्हणते, “आता शिक्षेला तयार हो.”तनया विचारते, “परीक्षा म्हणजे?” तनयाच्या प्रश्नावर उत्तर देताना गुरुमाता म्हणते, “जलसमाधी आणि तिची चूक आहे, हे सांगणाऱ्या या मुलीलासुद्धा जलसमाधी घ्यायची आहे.” प्रोमोच्या शेवटी वसुंधरा व तनया पाण्यात उभ्या असल्याचे दिसत आहे. तनयाच्या चेहऱ्यावर भीती, तर वसुंधराच्या चेहऱ्यावर शांत भाव दिसत आहेत. आकाशसह इतर कुटुंबीयांच्या चेहऱ्यावर मात्र काळजी पाहायला मिळत आहे.

झी मराठी वाहिनीने हा प्रोमो शेअर करताना, “वसुंधराला गुरुमाता घ्यायला लावणार जलसमाधी…!”,अशी कॅप्शन दिली आहे.

मालिकेत दाखविल्याप्रमाणे, तनया नेहमीच वसुंधराविरुद्ध कटकारस्थान करताना दिसते. ती सतत जयश्रीच्या मनात वसुंधराविषयी गैरसमज निर्माण करत असल्याचे दिसते. वसुंधरादेखील तिला वेळोवेळी उत्तर देते. मात्र, आता तनयाने गुरुमातेसमोर वसुंधराला खोटे सिद्ध करण्याचा प्रयत्न केलेला दिसत आहे. आता मात्र, वसुंधराबरोबर तिलाही जलसमाधीची शिक्षा होणार असल्याचे समोर आलेल्या प्रोमोमध्ये पाहायला मिळत आहे.

हेही वाचा: सोशल मीडियावरील मतभेदानंतर ‘बिग बॉस’ फेम जोडपे प्रथमच दिसले एकत्र; लेकीसह साजरी केली लोहरी, फोटो आले समोर

आता मालिकेत पुढे काय होणार, वसुंधरा व तनया यांना खरंच जलसमाधी घ्यावी लागणार की गुरुमातेच्या परीक्षेत वसुंधरा पास होणार, हे पाहण्यासाठी प्रेक्षक उत्सुक आहेत.