'सातव्या मुलीची सातवी मुलगी' ही मालिका छोट्या पडद्यावर चांगलीच लोकप्रिय आहे. २०२२ मध्ये ही मालिका प्रेक्षकांच्या भेटीला आली. गेली जवळपास दीड वर्षे ही मालिका चाहत्यांच्या मनावर अधिराज्य गाजवत आहे. यामधील प्रत्येक पात्राने प्रेक्षकांचं मन जिंकलं आहे. तितीक्षा तावडे, अजिंक्य ननावरे, ऐश्वर्या नारकर, सुरुची अडारकर यांच्या या मालिकेत महत्त्वाच्या भूमिका आहेत. मालिकेत तितीक्षाने नेत्रा, तर ऐश्वर्या नारकर यांनी रुपाली हे पात्र साकारलं आहे. रुपाली हे खलनायिकेचं पात्र असल्याने ती नेहमीच नेत्रा विरोधात कट रचत असल्याचं मालिकेत पाहायला मिळतं. परंतु, प्रत्यक्षात या मालिकेतील सगळ्याच अभिनेत्रींमध्ये खूप सुंदर असं ऑफस्क्रीन बॉण्डिंग आहे. या सगळ्या जणी मिळून नुकत्याच एका व्हायरल गुजराती गाण्यावर थिरकल्या आहेत. हेही वाचा : IPL 2024 : “हार्दिक पंड्याला मिळणारी वागणूक…”, पुष्कर जोगने शेअर केला ‘तो’ व्हिडीओ; म्हणाला, “तो भारतीय संघाचं…” 'सातव्या मुलीची सातवी मुलगी' फेम एकताने तिच्या इन्स्टाग्रामवरून शेअर केलेला एक व्हिडीओ सध्या चर्चेत आला आहे. 'व्हॅनिला आइस्क्रीम' चित्रपटातील 'हरखता मलकता' (Harakhta Malakta) या गुजराती गाण्यावर सगळ्या अभिनेत्री थिरकत असल्याचं व्हिडीओमध्ये पाहायला मिळत आहे. एकतासह तितीक्षा तावडे, अमृता रावराणे, ऐश्वर्या नारकर यांची झलक या व्हिडीओमध्ये पाहायला मिळत आहे. हेही वाचा : “लघाटे आंबेवाले…”, मुग्धा-प्रथमेश गुढीपाडव्याच्या मुहूर्तावर पुन्हा सुरू करणार आंबा व्यवसाय; म्हणाले, “अस्स्ल रत्नागिरी…” दरम्यान, या अभिनेत्रींच्या व्हिडीओवर नेटकऱ्यांनी "आम्हाला या गाण्याचा अर्थ पण सांगा", "किती गोड व्हिडीओ आहे", "मस्तच", "एकदम सरस" अशा कमेंट्स केल्या आहेत.
