बिग बॉस १६ चा विजेता कोण होणार? शिव ठाकरेची बहिण म्हणाली, “त्याने मराठी बिग बॉस…”

बिग बॉस १६ या पर्वात सध्या शिव ठाकरेची चर्चा पाहायला मिळत आहे. शिव ठाकरे हा सध्या या कार्यक्रमामुळे प्रसिद्धीझोतात आहे. नुकतंच शिव ठाकरेची बहिण मनिषा ठाकरेने ‘एबीपी माझा’ला मुलाखत दिली. या मुलाखतीत तिने अनेक गोष्टींबद्दल खुलासा केला.

मनिषा ठाकरे काय म्हणाल्या?

“बिग बॉस १६ लवकरच संपणार आहे. शिवने मराठी बिग बॉस गाजवलं होतं. ‘बिग बॉस’चा खेळ कसा खेळायचा हे शिवला कळलं आहे. त्यानुसार तो खेळत आहे. त्याची खेळी चाहत्यांच्याही पसंतीस उतरत आहे. शिव ठाकरेचं नाव टॉप तीन स्पर्धकांमध्ये घेतलं जात आहे, याचं नक्कीच कौतुक आहे. एक बहिण म्हणून मला शिवचा खूप अभिमान वाटतो.

शिवला लहानपणापासून हिंदी बिग बॉस मध्ये जाण्याची प्रचंड इच्छा होती. गेल्या कित्येक वर्षांपासून तो यासाठी प्रयत्न करत होता. त्याने प्रत्येक बिग बॉसच्यावेळी घरात ठिकठिकाणी बिग बॉस १४’चा विजेता शिव ठाकरे, ‘बिग बॉस १५’चा विजेता शिव ठाकरे, ‘बिग बॉस १६’चा विजेता शिव ठाकरे, असे लिहिले आहे. त्याला आधीपासूच हिंदी बिग बॉसमध्ये जाण्याची इच्छा होती. त्यामुळे ‘बिग बॉस १६’साठी त्याला विचारणा झाल्यानंतर तो खूपच आनंदी झाला. मालाडच्या त्याच्या फ्लॅटपासून ते दादरच्या सिद्धीविनायकपर्यंत पायी गेला होता.

शिवला लहानपणीपासून मजा करायला खूप आवडतं. तो प्रचंड खोड्या करायचा. तो खोडकर असला तरी तो खूप प्रामाणिक होता. शिव त्याच्या त्वचेची खूप काळजी घेतो. धुळवडीला शिवचे मित्र त्याला रंग लावायला घरी यायचे. त्यावेळी शिव मागच्या दारातून बाहेर पडत असे आणि संपूर्ण कॉलनीत मित्रांना फिरवायचा. सकाळी दहा वाजता घराबाहेर पडलेला शिव संध्याकाळी चार-पाच वाजले तरी मित्रांना भेटत नसे”, अशी आठवणही शिव ठाकरेच्या बहिणीने सांगितली.

This quiz is AI-generated and for edutainment purposes only.

दरम्यान बिग बॉस हिंदीच्या १६ व्या पर्वात शिव ठाकरे हे नाव सातत्याने चर्चेत आहे. या नावाची चर्चा ही सोशल मीडियावरही पाहायला मिळत आहे. त्याची लोकप्रियता दिवसेंदिवस वाढत चालली आही. सोशल मीडियाच्या माध्यमातून त्याला पाठिंबा देखील मिळत आहे. त्याची खेळी चाहत्यांच्या पसंतीस उतरताना दिसत आहे.