जेठालाल-बबितासह ‘या’ कलाकारांनी ‘तारक मेहता…’आधीही केलंय एकत्र काम; कोणत्या शोमध्ये? घ्या जाणून…

२००८मध्ये ही मालिका प्रेक्षकांच्या भेटीला आली होती. या मालिकेतील जेठालाल, दयाबेन, माधवी भाभी, भिडे मास्तार, बागा, तारक मेहता, अंजली भाभी, बबीता, अय्यर अशी अनेक पात्रे मालिकेत पाहायला मिळतात. विविध राज्यातील कुटुंबे एकाच सोसायटीमध्ये राहतात. विविध कार्यक्रमांना या गोकुळधाम सोसायटीमधील लोक जसे एकत्र येतात, तसेच एकमेकांच्या सुख दु:खातदेखील ते एकमेकांना साथ देतात.

या मालिकेत मंदार चांदवडकर, सोनालिका जोशी, दिलीप जोशी, मुनमुन दत्ता, अमित भट्ट, घनश्याम नायक, राकेश बेदी असे अनेक कलाकार मालिकेत विविध पात्रांमध्ये दिसत आहेत. पण, तुम्हाला माहित आहे का? या मालिकेआधीदेखील या कलाकारांनी एकमेकांबरोबर काम केलेले आहे. आता हे कलाकार नेमके कोण, हे जाणून घेऊ…

१. मंदार चांदवडकर आणि सोनालिका जोशी

मंदार चांदवडकर आणि सोनालिका जोशी गेल्या दशकाहून अधिक काळ एकत्र काम करत आहेत. त्यांच्यातील केमिस्ट्री, छोटी-छोटी भांडणे प्रेक्षकांना विशेष भावतात. मालिकेत त्यांनी माधवी भाभी आणि भिडे मास्तर या नवरा-बायकोची पात्रे साकारली आहेत. विशेष म्हणजे, सोनालिका यांनीच तारक मेहता का उल्टा चष्मा” साठी मंदार चांदवडकर यांचे नाव सुचवले होते. तारक मेहात का उल्टा चश्मा आधी त्यांनी अनेक मराठी नाटके आणि टीव्ही शोमध्ये एकत्र काम केले आहे.

२. दिलीप जोशी आणि अमित भट्ट

‘तारक मेहता का उल्टा चश्मा’ मालिकेत दिसणारी दिलीप जोशी आणि अमित भट्ट ही बाप-मुलगी जोडी ‘एफआयआर’ या कॉमेडी शोच्या अनेक भागांमध्ये एकत्र दिसली आहे. तारक मेहता का उल्टा चष्मा मध्ये महत्त्वाची भूमिका बजावणारा तन्मय वेकारिया एफआयआरच्या भागांमध्ये दिलीप आणि अमित दोघांबरोबर दिसला आहे.

३.घनश्याम नायक आणि राकेश बेदी

दिवंगत ज्येष्ठ अभिनेते घनश्याम नायक आणि राकेश बेदी यांचे ‘तारक मेहता का उल्टा चष्मा’ खूप चांगले संबंध होते. ते श्रीमान श्रीमती या लोकप्रिय शोमध्ये भेटले. अनेक हिट चित्रपटांमध्येही ते एकत्र दिसले. दिवंगत घनश्याम ‘हम दिल दे चुके सनम’ आणि ‘इश्क’ सारख्या चित्रपटांमध्येही दिसले होते.

४. तन्मय वेकारिया आणि दिशा वकानी

तन्मय वेकारिया आणि दिशा वाकानी यांनी अनेक गुजराती नाटकांमध्ये एकत्र काम केले होते. दरम्यान, दिशाने ही मालिका सोडली आहे.

५. मुनमुन दत्ता आणि दिलीप जोशी

मुनमुन दत्ताने मालिकेत बबिता ही भूमिका साकारली आहे. तर दिलीप जोशी यांनी जेठालाल ही भूमिका साकारली आहे. या कार्यक्रमापूर्वी ‘हम सब बाराती’ या कार्यक्रमात एकत्र काम केले होते.