Tejashri Pradhan’s New Serial Vin Doghantali Hi Tutena : तेजश्री प्रधान छोट्या पडद्यावर पुन्हा एकदा दणक्यात कमबॅक करण्यासाठी सज्ज झाली आहे. तेजश्री व सुबोध भावे यांच्या मुख्य भूमिका असलेली ‘वीण दोघांतली ही तुटेना’ मालिका लवकरच प्रेक्षकांच्या भेटीला येणार आहे. नुकताच या मालिकेचा पहिला प्रोमो प्रेक्षकांच्या भेटीला आला होता.
‘वीण दोघांतली ही तुटेना’ या मालिकेचा प्रोमो ‘झी मराठी’ वाहिनीने २४ जूनला रात्री प्रेक्षकांबरोबर शेअर केला होता. अवघ्या चार दिवसांतच या प्रोमोला प्रेक्षकांचा अभूतपूर्व प्रतिसाद मिळाला आहे. याबद्दल तेजश्रीने स्वत: पोस्ट शेअर करत चाहत्यांचे आभार मानले आहेत.
तेजश्री प्रधान व सुबोध भावे यांची प्रमुख भूमिका असलेल्या ‘वीण दोघांतली ही तुटेना’ या मालिकेच्या प्रोमोला अवघ्या चार दिवसांत २ मिलियन व्ह्यूज मिळाले असल्याची पोस्ट तेजश्रीने इन्स्टाग्रामवर शेअर केली आहे. प्रोमोवर कौतुकाचा वर्षाव केल्याबद्दल अभिनेत्रीने सर्व चाहत्यांचे आभार मानले आहेत.
तेजश्री प्रधानची चाहत्यांसाठी पोस्ट
My Constant माझी माणसं…मला कायम पाठिंबा दिल्याबद्दल खूप खूप आभार…तुमचं माझ्यावर असलेलं प्रेम, विश्वास पाहून माझं मन नेहमीच आनंदाने भरून जातं. महत्त्वाचं म्हणजे पुन्हा एकदा जाणीव होते तुम्ही माझ्यावर दाखवत असलेल्या विश्वासाची…त्यामुळेच कधीतरी कठीण निर्णय घेण्याचं बळ येतं. Never Settle For Less असं म्हणण्याचं देखील बळ मिळालं. उत्तम कामाचा प्रयत्न राहील. प्रोमोला इतका छान प्रतिसाद दिल्याबद्दल तुम्हा सर्वांचे मी मनापासून आभार मानते.
This quiz is AI-generated and for edutainment purposes only.
दरम्यान, ‘वीण दोघांतली ही तुटेना’ या नव्या मालिकेत तेजश्री प्रधान स्वानंदी तर, अभिनेता सुबोध भावे समर हे पात्र साकारणार आहे. आपल्या भावा-बहिणीच्या सुखासाठी समर-स्वानंदी या दोघांनी एकमेकांशी लग्न करण्याचा निर्णय घेतलेला आहे. या दोघांची अनोखी व हटके लव्हस्टोरी प्रेक्षकांना या मालिकेत पाहायला मिळणार आहे. लवकरच ‘झी मराठी’ वाहिनी या मालिकेच्या प्रसारणाची वेळ व तारीख जाहीर करेल.
