काम मिळत नसल्याने अभिनेत्याने उचललं टोकाचं पाऊल, पत्नी-मुलगी घरात नसताना गळफास घेऊन संपवलं आयुष्य

इंडियन एक्सप्रेसने दिलेल्या वृत्तानुसार, नितीनने गुरुवारी (७ नोव्हेंबरला) मुंबईतील गोरेगाव येथील फ्लॅटमध्ये आत्महत्या केली. काम मिळत नसल्याने तो नैराश्यात असल्याचे प्राथमिक तपासात स्पष्ट झाले आहे. दिंडोशी पोलिसांनी दिलेल्या माहितीनुसार, नितीन हा पत्नी आणि मुलीबरोबर राहत होता. गुरुवारी संध्याकाळी त्याची पत्नी मुलीला घेऊन बाहेर गेली होती. घरी फक्त नितीन एकटाच होता, त्यावेळी त्याने गळफास घेतला.

हेही वाचा – ‘क्राइम पेट्रोल’ फेम अभिनेत्याचं निधन, ३५ व्या वर्षी घेतला अखेरचा श्वास

ग

ग

नितीनची पत्नी काही वेळाने घरी आली तेव्हा तिने दार ठोठावले, पण नितीने दार उघडले नाही. त्यामुळे तिने शेजाऱ्यांच्या मदतीने दार तोडले. घरात नितीन बेडशीटने गळफास घेतलेल्या अवस्थे आढळला. त्याला जवळच्या खासगी रुग्णालयात नेले असता त्याला मृत घोषित करण्यात आले.

हेही वाचा – “तोंड रक्ताने माखलेली एक…”, दिव्या भारतीच्या निधनाबद्दल बॉलीवूड अभिनेत्रीचा मोठा खुलासा; तिला पडताना ‘या’ व्यक्तीने पाहिल्याचा केला दावा

दिंडोशी पोलीस स्टेशनचे वरिष्ठ निरीक्षक अजय आफळे म्हणाले, “प्राथमिक चौकशी दरम्यान समोर आलेल्या माहितीनुसार नितीन चौहानला गेल्या काही वर्षांपासून काम मिळत नव्हतं आणि त्यामुळे तो नैराश्यात होता.” नितीनच्या निधनामुळे त्याच्या कुटुंबावर दुःखाचा डोंगर कोसळला आहे.

हेही वाचा – ९ वर्षांचा संसार मोडला, प्रसिद्ध अभिनेत्यापासून घटस्फोट घेतल्यावर गायिकेने मुंबईत घेतलं घर, फोटो केले शेअर

नितीन मागील काही वर्षांपासून नैराश्यावर उपचार घेत होता. थेरपी व औषधं घेऊनही तो नैराश्यातून बाहेर येऊ शकला नाही, असं वृत्त आज तकने दिलंय. नितीनने रिॲलिटी शो ‘दादागिरी सीझन २’ मध्ये काम केले होते. तसेच त्याने एमटीव्ही ‘स्प्लिट्सविला’ आणि ‘क्राइम पेट्रोल’सारखे शो केले होते.