..म्हणून अजय देवगणने आजपर्यंत नाही पाहिला काजोलचा DDLJ - Marathi News | This Is Why Ajay Devgn Have Not Seen Kajol Iconic Film Dilwale Dulhania Le Jayenge Ssv 92

आजही हा चित्रपट चाहत्यांच्या मनात घर करुन आहे.

Ajay-Devgn-Netflix-production-Tribhanga-kajol-Renuka-Shahane-1200

अजय देवगण, काजोल

अभिनेता शाहरुख खान व अभिनेत्री काजोल यांच्या मुख्य भूमिका असलेल्या ‘दिलवाले दुल्हनियाँ ले जाएंगे’ या चित्रपटाने बॉक्स ऑफिसवर अनेक विक्रम मोडले. मुंबईतील मराठी मंदिर चित्रपटगृहात तब्बल १००० आठवड्यांपर्यंत हा चित्रपट चालला होता. त्यातील संवाद आजसुद्धा अनेकांना तोंडपाठ आहेत. चित्रपटाची इतकी लोकप्रियता असतानाही काजोलचा पती अजय देवगण याने मात्र अद्यापही हा चित्रपट पाहिलेला नाही.

अजयने ‘दिलवाले दुल्हनियाँ ले जाएंगे’ हा चित्रपट अजूनही पाहिला नसून काजोलनेच याविषयी एका मुलाखतीत सांगितलं होतं. काजोलने अनेकदा अजयला चित्रपट न पाहण्यामागचं कारण विचारलं. मात्र त्याने कधीच योग्य उत्तर दिलं नसल्याचं तिने सांगितलं. काजोल त्या मुलाखतीत म्हणाली, “अजयने हा चित्रपट न पाहण्यामागचं एक कारण असू शकतं, पण ते मी तुम्हाला नाही सांगू शकत. यासाठी तुम्हाला त्याची मुलाखत घ्यावी लागेल आणि त्यालाच विचारावं लागेल.”

View this post on Instagram
A post shared by Kajol Devgan (@kajol)

शाहरूख खान आणि काजोलची प्रमुख भूमिका असलेला “दिलवाले दुल्हनियाँ ले जायेंगे’ १९९५ मध्ये प्रदर्शित झाला होता. आदित्य चोप्राचे पहिलेच दिग्दर्शन असलेल्या या चित्रपटाने ‘न्यू एक्‍सलसीयर’ चित्रपटगृहात ५० आठवडे साजरे केल्यानंतर तो मराठा मंदिरमध्ये झळकवण्यात आला. आजही हा चित्रपट चाहत्यांच्या मनात घर करुन आहे.

First published on: 20-10-2020 at 10:50 IST

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: This is why ajay devgn have not seen kajol iconic film dilwale dulhania le jayenge ssv