Video: ‘वेड’ चित्रपटात झळकलेल्या जिया शंकरने स्वतःला भेट केली आलिशान कार, किंमत वाचून व्हाल थक्क

अभिनेत्री जिया शंकर हिचा चाहता वर्ग खूप मोठा आहे. ती सोशल मीडियावर सक्रिय राहून तिच्या आयुष्यात घडणाऱ्या घडामोडी चाहत्यांशी शेअर करत असते. ‘बिग बॉस’मध्येही ती तिच्या वागणुकीमुळे खूप चर्चेत होती. तर नुकतीच ती या स्पर्धेतून एलिमिनेट झाली.

आणखी वाचा : प्रशस्त खोल्या, आकर्षक फर्निचर अन्..; ‘असं’ आहे प्राजक्ता गायकवाडचं नवीन आलिशान घर, पाहा Inside Photos

‘बिग बॉस ओटीटी २’मधून बाहेर पडल्यावर आता तिने स्वतःला एक महागडी भेट दिली आहे. तिने स्वतःसाठी नवी कोरी बीएमडब्ल्यू गाडी खरेदी केली आहे. ही गाडी विकत घेतानाचा तिचा एक व्हिडीओ सध्या खूप व्हायरल होत आहे. यामध्ये ती ‘हर हर महादेव’ म्हणत नारळ फोडते. त्यानंतर तिची आई फुलांनी सजवलेले आरतीचे ताट आणते आणि बोनटला हार घालून तिची पूजा करते. पूजेनंतर जियाने पेढे देत पापाराझींचंही तोंड गोड केलं.

हेही वाचा : अनिल कपूर आणि त्यांची पत्नी सुनिता कपूर यांनी नातवाला दिली ‘ही’ खास भेट

जियाने खरेदी केलेली ही गाडी गडद निळ्या रंगाची आहे. तिने खरेदी केलेलं हे मॉडेल BMW X1 आहे. या गाडीची किंमत ४० ते ५० लाख असल्याचं बोललं जात आहे.