‘सैयारा’ मध्ये आहान पांडेबरोबर रोमान्स करणारी अनीत पड्डा कोण आहे? काजोलबरोबरही केलंय काम

अहान पांडे हा अनन्या पांडेचा चुलत भाऊ म्हणजेच चंकी पांडेचा पुतण्या आहे. पण, जर तुम्हाला आतापर्यंत अनित पड्डाबद्दल माहिती मिळाली नसेल तर आम्ही तुम्हाला सांगतो.

अनित पड्डा कोण आहे?

अनित पड्डाचा जन्म १४ ऑक्टोबर २००२ रोजी पंजाबमध्ये झाला. ती एका लहान शहरातून येते. अमृतसरमधील स्प्रिंग डेल सीनियर स्कूलमधून शालेय शिक्षण पूर्ण केल्यानंतर, अनितने दिल्ली विद्यापीठातून राज्यशास्त्रात पदवी प्राप्त केली. तिची आवड नेहमीच अभिनयाकडे होती आणि तिने तिच्या कारकिर्दीची सुरुवात मॉडेलिंगद्वारे केली.

‘सैयारा’ चित्रपटातून मुख्य भूमिकेत पदार्पण

मोहित सुरी दिग्दर्शित ‘सैयारा’ हा अनित पड्डाचा बॉलीवूडमधील पहिलाच मोठा चित्रपट आहे, ज्यामध्ये ती मुख्य भूमिका साकारत आहे. या चित्रपटातील तिच्या अभिनयाला आतापर्यंत सकारात्मक प्रतिसाद मिळाला आहे. हा चित्रपट एक रोमँटिक ड्रामा आहे, जो यशराज फिल्म्सच्या बॅनरखाली चित्रित करण्यात आला आहे. चित्रपट प्रदर्शित होण्यापूर्वीच अनित आणि अहानच्या जोडीबद्दल बरीच उत्सुकता होती आणि आता हा चित्रपट प्रदर्शित झाला आहे. तो बॉक्स ऑफिसवर धमाल करत आहे.

अनित पड्डाची चित्रपट कारकीर्द

अनितने २०२२ मध्ये काजोल आणि विशाल जेठवा यांच्याबरोबर ‘सलाम वेंकी’ या चित्रपटातून पदार्पण केले, जिथे तिने नंदिनीची भूमिका साकारली होती. त्यानंतर तिने नित्या मेहराच्या ‘बिग गर्ल्स डोन्ट क्राय’ या वेब सीरिजमध्येही काम केले, जिथे तिची भूमिका रुही आहुजा होती. या दोन्ही प्रोजेक्टमध्ये अनितची फारशी भूमिका नव्हती, पण तिने निश्चितच तिची छाप सोडली.

‘सैयारा’ बातम्यांमध्ये येण्यापूर्वी, अनितचे इन्स्टाग्रामवर सुमारे ३७ हजार फॉलोअर्स होते. पण, आता चित्रपट प्रदर्शित झाला आहे आणि दोन्ही कलाकारांना प्रेक्षकांकडून प्रेम मिळत आहे, त्यामुळे सध्या तिचे सुमारे २.५ लाख फॉलोअर्स आहेत. अनित अनेकदा तिच्या शूटिंग आणि चित्रपटांशी संबंधित पोस्ट सोशल मीडियावर शेअर करते. तिचे अनेक बोल्ड आणि ग्लॅमरस फोटो आतापर्यंत सोशल मीडियावर लाईक झाले आहेत.

अनित पड्डाची आवड केवळ अभिनयापुरती मर्यादित नाही. तिला संगीताचीही खूप आवड आहे आणि ती अनेक वेळा गाताना दिसली आहे. याशिवाय, अनितने अनेक आघाडीच्या ब्रँड्सबरोबर जाहिरातींमध्येही काम केले आहे.