News Flash

अतिरिक्त न्यायाधीश प्रदीम मोराळे सेवेतून कमी

पनवेल दिवाणी न्यायालयाने अतिरिक्त न्यायाधीश प्रदीम मोराळे यांच्यावर सेवेतून कमी करण्याची कारवाई करण्यात आली असून असमाधानकारक कामगिरीच्या कारणास्तव त्यांच्यावर ही कारवाई करण्यात आली

| November 16, 2014 02:26 am

पनवेल दिवाणी न्यायालयाने अतिरिक्त न्यायाधीश प्रदीम मोराळे यांच्यावर सेवेतून कमी करण्याची कारवाई करण्यात आली असून असमाधानकारक कामगिरीच्या कारणास्तव त्यांच्यावर ही कारवाई करण्यात आली.
पनवेल येथे प्रथम वर्ग न्यायदंडाधिकारी म्हणून कार्य केलेल्या मोराळे यांची दिवाणी न्यायालयाचे अतिरिक्त न्यायाधीश म्हणून नियुक्ती करण्यात आली होती.
मात्र प्रोबेशन कालावधीत त्यांची कामगिरी समाधानकारक नसल्याने त्यांना सेवेतून कमी करण्याची कारवाई करण्यात आल्याची माहिती मुंबई उच्च न्यायालयाच्या महानिबंधक (रजिस्ट्रार जनरल) शालिनी जोशी-फणसाळकर यांनी दिली. मोराळे यांच्या प्रोबेशन कालावधीत वाढ करण्यात आली होती.
मात्र त्यातही त्यांना समाधानकारक कामगिरी करता न आल्याने त्यांच्यावर ही कारवाई केल्याचे त्यांनी सांगितले. दरम्यान, मोराळे यांच्या कार्यपद्धतीविषयी वकिलांकडून तक्रारी करण्यात आल्या होत्या. याशिवाय त्यांच्याविरुद्ध अन्य काही आक्षेपही नोंदविण्यात आले होते. त्याच पाश्र्वभूमीवर ही कारवाई करण्यात आल्याचे सूत्रांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 16, 2014 2:26 am

Web Title: additional judge pradim morale suspended
Next Stories
1 ‘मराठीविरोधक’ पालिका अधिकाऱ्यांवर कारवाई
2 ठाण्यात वाघाची कातडी जप्त
3 सोनसाखळी चोरणारा अल्पवयीन ताब्यात
Just Now!
X